O Decreto 25/2001, do 18 de xaneiro, polo que se regula a organización e funcionamento do Consello Galego de Cooperativas, desenvolve as previsións contidas na súa norma de creación, a Lei 5/1998, do 18 de decembro, de cooperativas de Galicia, regulando no seu artigo cuarto a composición e no artigo quinto o procedemento de nomeamento e cesamento dos membros deste órgano.

En consecuencia, en virtude das facultades que me confire o artigo 38 da Lei 1/1983, do 22 de febreiro, reguladora da Xunta e do seu presidente, reformada pola Lei 11/1988, do 20 de outubro, o artigo 5 e a disposición derradeira primeira do Decreto 25/2001, do 18 de xaneiro, en relación cos decretos 20/2003, do 18 de xaneiro, e 23/2003, do 20 de xaneiro, polo que se fixa a estructura orgánica dos departamentos da Xunta de Galicia, por proposta da Federación de Cooperativas Sinerxia,

DISPOÑO:

Artigo único.-O cesamento como vocal titular do Consello Galego de Cooperativas en representación da Federación de Cooperativas Sinerxia, de Marcos Antonio Lorenzo Gallego, nomeado pola Orde do 12 de setembro de 2001 da Consellería de Xustiza, Interior e Relacións Laborais.

Santiago de Compostela, 5 de marzo de 2003.

Mª José Cimadevila Cea

Conselleira de Asuntos Sociais, Emprego

e Relacións Laborais