Convocada a provisión, polo sistema de libre designación, de tres postos de traballo vacantes no cadro de persoal funcionario de administración e servicios, por resolución da Universidade de Santiago de Compostela do 4 de decembro de 2002, e unha vez rematado o prazo de presentación de instancias, á vista das solicitudes presentadas e logo dos informes correspondentes segundo o artigo 54 do Real decreto 364/1995, do 10 de marzo,
O rector, de conformidade co disposto no artigo 78 n) dos estatutos da Universidade de Santiago de Compostela,
DISPÓN:
Primeiro.-Resolve-la convocatoria para a provisión, polo sistema de libre designación, de tres postos de traballo vacantes no cadro de persoal funcionario de administración e servicios, anunciada por Resolución do 4 de decembro de 2002 (Diario Oficial de Galicia nº 7, do 13 de xaneiro de 2003).
Segundo.-Adxudicarlles destino, nos postos de traballo que se indican, ós funcionarios que se relacionan nos anexos á presente resolución.
Terceiro.-O destino adxudicado será irrenunciable, agás que antes de remata-lo prazo de toma de posesión se obtivese outro destino mediante convocatoria pública, quedando obrigado o interesado, neste caso, a comunicarllo ó rectorado da Universidade de Santiago de Compostela no prazo de tres días.
Cuarto.-O prazo para tomar posesión do destino obtido será de tres días hábiles se non implica cambio de residencia do funcionario, ou dun mes se comporta cambio de residencia ou reingreso ó servicio activo. O prazo de toma de posesión comezará a contar a partir do día seguinte ó da publicación desta resolución no Diario Oficial de Galicia.
Contra esta resolución, que esgota a vía administrativa, poderá interpoñer recurso contencioso-administrativo perante o Xulgado do Contencioso-Administrativo de Santiago de Compostela no prazo de dous meses contados desde o día seguinte ó da súa recepción, de conformidade cos artigos 46 e 8.2º a) da Lei da xurisdicción contencioso-administrativa, aprobada por Lei 29/1988, do 13 de xullo.
Non obstante, os interesados poderán interpoñer recurso potestativo de reposición no prazo dun mes perante o órgano que o dictou. Neste caso non se
tivo anteriormente indicado mentres non recaia resolución expresa ou presunta do recurso administrativo de reposición, ó abeiro dos artigos 116 e seguintes da Lei 30/1992, do 26 de novembro, de réxime xurídico das administracións públicas e do procedemento administrativo común, modificada pola Lei 4/1999, do 13 de xaneiro.
Santiago de Compostela, 18 de febreiro de 2003.
Senén Barro Ameneiro
Rector da Universidade de Santiago de Compostela
ANEXO I
Denominación do posto: Secretaría do Vicerrectorado de Calidade e Planificación Estratéxica.
Grupo: C/D.
Nivel: 20.
Complemento específico: 3.911,88 A.
Quenda: mañá.
Apelidos e nome: Vieites Torreiro, Dolores.
DNI: 33251615.
ANEXO II
Denominación do posto: Secretaría do Vicerrectorado de Organización Académica e Profesorado.
Grupo: C/D.
Nivel: 20.
Complemento específico: 3.911,88 A.
Quenda: mañá.
Apelidos e nome: Paz Torres, Ana Mª.
DNI: 33272172.
ANEXO III
Denominación do posto: Secretaría do Vicerrectorado de Terceiro Ciclo e Extensión Docente.
Grupo: C/D.
Nivel: 20.
Complemento específico: 3.911,88 A.
Quenda: mañá.
Apelidos e nome: Moreira Figueiras, Mª del Carmen.
DNI: 33275478.