De conformidade co disposto nas bases IV e V da convocatoria para o acceso á categoría 3 do grupo V (ordenanza, telefonista e outros), levada a efecto pola Orde do 30 de xullo de 2001 (DOG nº 160, do 20 de agosto), remitida polo tribunal V-B a proposta de aspirantes que superaron o proceso selectivo e unha vez resoltos os recursos administrativos que afectan a referida proposta, esta consellería

DISPÓN:

Primeiro.-Elevar a definitiva a proposta dos aspirantes que superaron o proceso selectivo da categoría 3 do grupo V (ordenanza, telefonista e outros), publicándose como anexo desta orde.

Segundo.-Os aspirantes que constan no dito anexo deberán remitir, no prazo de 15 días naturais, contados a partir do seguinte ó da publicación desta orde no DOG, á Dirección Xeral da Función Pública os documentos ós que se refire a base V.1 da orde de convocatoria.

Terceiro.-Contra esta orde, que pon fin á vía administrativa, poden interpoñer, os aspirantes que accedan pola quenda de promoción interna, reclamación administrativa previa perante o conselleiro da Presidencia, Relacións Institucionais e Administración Pública, no prazo dun mes contado a partir do día seguinte ó da publicación desta orde no Diario Oficial de Galicia, en aplicación dos artigos 120 e seguintes da Lei 30/1992, do 26 de novembro, de réxime xurídico das administracións públicas e do procedemento administrativo común, e demais disposicións concordantes e os aspirantes que accedan pola quenda libre, con carácter postestativo, recurso de reposición perante o conselleiro da Presidencia,

Relacións Institucionais e Administración Pública no prazo dun mes contado desde o día seguinte ó da publicación desta orde, ou directamente recurso contencioso-administrativo no prazo de dous meses contados desde o día seguinte ó da súa publicación, perante o Xulgado do Contencioso-Administrativo de Santiago de Compostela, conforme os artigos 8,

14 e 46 da Lei 29/1998, do 13 de xullo, reguladora da xurisdicción contencioso-administrativa.

Santiago de Compostela, 6 de marzo de 2003.

Jaime Pita Varela

Conselleiro da Presidencia, Relacións

Institucionais e Administración Pública

ANEXO

Grupo V-Categoría 003 (ordenanza e outros)

Promoción interna:

Acceso libre: