Denominación do posto: técnico de aparcadoiros e outras actividades de transporte.
Requisitos indispensables: estar en posesión de alomenos diplomatura universitaria ou enxeñería técnica especializada; estar en posesión do carné de conducir B1; contar cunha experiencia mínima de 2 anos en postos de responsabilidade de empresas privadas ou Administración pública, nos sectores de aparcadoiros ou transporte de viaxeiros por estrada e dominio do castelán e do galego.
Estes requisitos deberán acreditarse mediante documentación oficial.
Valorarase: cursos ou titulacións relacionados cos sectores de aparcadoiros e transporte de viaxeiros por estrada, e outros idiomas.
Retribucións: ata 27.045,54 A brutos anuais.
Tipo de contrato: laboral indefinido co seu correspondente período legal de proba.
Procedemento de selección:
Fase de admisión:
Con carácter previo á realización das probas o tribunal fará unha preselección tendo en conta a acreditación oficial da posesión dos requisitos necesarios. As listas de admitidos estarán expostas nas oficinas de TUSSA. Ademais notificarase persoalmente ós/ás interesados/as.
Fase de selección:
1. Valoración do C.V.:
-Experiencia laboral nos sectores de aparcadoiros ou transporte de viaxeiros: ata 10 puntos.
-Cursos e titulacións relacionados cos sectores de aparcadoiros ou transporte de viaxeiros: ata 5 puntos.
-Outros cursos e titulacións útiles para o posto de traballo: ata 3 puntos.
-Idiomas: ata 2 puntos.
2. Entrevista persoal eliminatoria (ata 10 puntos).
Os/as interesados/as deberán presentar as solicitudes acompañadas da fotocopia do DNI, currículum vitae e demais documentación que acredite a titulación requirida e os requisitos esixidos, nas oficinas de TUSSA (directamente ou por correo), situadas na praza de Camilo Díaz Valiño, s/n, 15704 Santiago de Compostela, en horario de mañá, dentro do prazo de 10 días hábiles contados a partir do seguinte á publicación deste anuncio, indicando en lugar visible a seguinte referencia: «Selección técnico de aparcadoiros e outras actividades de transporte».
Santiago de Compostela, 28 de febreiro de 2003.
Carlos González Lozano
Director xerente da Sociedade Municipal
de Xestión de Transporte Urbano de Santiago
de Compostela, S.A.