O Consello da Xunta de Galicia, en virtude do Decreto 365/2002, do 19 de decembro (Diario Ofi

cial de Galicia nº 11, do 17 de xaneiro), declarou a concreta utilidade pública e urxente ocupación dos terreos e bens necesarios para a ampliación do depósito de lamas vermellas da factoría de Alúmina Española, S.A. en San Cibrao-Xove (Lugo).

Na súa virtude, e en cumprimento do disposto no artigo 52 da Lei de expropiación forzosa e 56 e seguintes do seu regulamento,

RESOLVO:

Primeiro.-Convoca-los titulares dos bens e dereitos afectados que figuran na relación definitiva exposta no taboleiro de anuncios do Concello de Xove e na Dirección Xeral de Calidade e Avaliación Ambiental, sita na rúa San Lázaro, s/n 15781 de Santiago de Compostela, para que comparezan no lugar, data e hora que a continuación se detalla para proceder ó levantamento das actas previas á ocupación, nas que se recollerán os datos necesarios para determina-los bens e dereitos afectados, o valor destes e os prexuízos dimanantes da rápida ocupación, sen prexuízo de trasladarse ó lugar dos predios se se considera necesario.

Lugar: antigo Centro Médico. Avda. da Deputación. Concello de Xove.

Data: 24 de marzo de 2003, ás 10 horas.

Segundo.-Ó devandito acto deberán asisti-los titulares afectados, persoalmente ou ben de persoas debidamente autorizadas para actuar no seu nome, e presenta-los documentos acreditativos da súa titularidade, documento nacional de identidade e, en caso de representación, poder suficiente, podendo acompañarse, pola súa conta e se o consideran oportuno, dos seus peritos e notarios.

Terceiro.-Advírteselles ós interesados afectados, ós que se lles notificará individualmente o día, a hora e o lugar sinalados para o levantamento das actas previas, que poderán formular alegacións por escrito ante a Dirección Xeral de Calidade e Avaliación Ambiental da Consellería de Medio Ambiente, sita na rúa San Lázaro, s/n, Santiago de Compostela, ata o momento do levantamento das actas previas, para os efectos de corrixi-los erros que se puidesen producir en relación ós bens ou dereitos indicados.

Cuarto.-O levantamento de actas poderase continuar en días e horarios posteriores, se fose preciso, sen necesidade de repeti-las citacións; abondará, para tal efecto, o anuncio verbal efectuado con ocasión do levantamento das últimas actas que se expidan.

Santiago de Compostela, 28 de febreiro de 2003.

José Luis Díez Yáñez

Director xeral de Calidade e Avaliación Ambiental