A Dirección Xeral da Función Pública recibiu do Xulgado do Contencioso-Administrativo número un de Santiago de Compostela, providencia pola que se admite a trámite a demanda tramitada polo procedemento abreviado nº 01/2003, formulada por Carmen Vila Cadahía, contra a resolución da Consellería da Presidencia, Relacións Institucionais e Administración Pública do 27 de decembro de 2002, pola que se desestima o recurso de alzada formulado contra a Resolución do 15-7-2002 do tribunal V-E designado para cualificalo proceso selectivo para o acceso á categoría 11 do grupo V do persoal laboral fixo da Xunta de Galicia, convocado pola Orde do 30 de xullo de 2001, relativo ó segundo exercicio da fase de oposición.

En consecuencia, esta dirección xeral acordou nesta data e de conformidade co disposto no artigo 49 da Lei 29/1998, do 13 de xullo, reguladora da xurisdicción contencioso-administrativa, a remisión do correspondente expediente administrativo ó referido xulgado, o que se notifica para xeral coñecemento de tódalas persoas interesadas no procedemento e se emprazan para que poidan comparecer como parte nos autos no Xulgado do Contencioso-Administrativo de Santiago de Compostela no prazo de 9 (nove) días, contados desde o seguinte ó da publicación da presente resolución no Diario Oficial de Galicia.

Santiago de Compostela, 10 de febreiro de 2003.

Belén Prado Sanjurjo

Directora xeral da Función Pública