A Lei 6/2002, do 27 de decembro, de orzamentos xerais da Comunidade Autónoma de Galicia para o ano 2003, establece no seu artigo 43 unha modificación do Decreto 287/2000, do 21 de novembro, polo que se desenvolve o réxime de axudas e subvencións públicas da Comunidade Autónoma de Galicia, na súa regulación do prazo mínimo para a presentación de solicitudes de axudas e subvencións públicas, ampliándoo de 20 días hábiles a 40 días hábiles.

Como a orde que se modifica foi tramitada con anterioridade á entrada en vigor da Lei 6/2002, do 27 de decembro, de orzamentos xerais da Comunidade Autónoma de Galicia para o ano 2003, ó se ter tramitado en réxime anticipado, require a súa adaptación ós anteriores mandatos legais.

Na súa virtude, en uso das facultades que me confiren os artigos 34.6º e 38 da Lei 1/1983, do 22 de febreiro, reguladora da Xunta e do seu presidente, reformada pola Lei 11/1988, do 20 de outubro,

DISPOÑO:

Artigo 1º.-Modifícase o artigo 9 da Orde do 8 de xaneiro de 2003 pola que se establecen subvencións para o desenvolvemento de programas de incorporación social e laboral destinadas a persoas en situación ou risco de exclusión social (DOG do 21 de xaneiro), que quedará redactado do seguinte xeito:

«O prazo de presentación de solicitudes será o comprendido entre o día 22 de xaneiro de 2003 e o 14 de marzo de 2003 ámbolos dous incluídos».

Santiago de Compostela, 20 de febreiro de 2003.

Mª José Cimadevila Cea

Conselleira de Asuntos Sociais, Emprego

e Relacións Laborais