O Pleno deste concello en sesión ordinaria celebrada o día 16 de xaneiro de 2003, acordou aprobar definitivamente, por maioría absoluta, a modificación puntual nº 1 do Plan Xeral de Ordenación Municipal do Concello de Coristanco, comprensiva das seguintes modificacións:
1. Cualificación dunha parte de solo pertencente ó sistema local viario como Sistema Xeral de Equipamento Sanitario no núcleo urbano da Agualada.
2. Modificación da Área de Reparto nº 3 e zona colindante no solo urbano do núcleo de San Roque.
3. Incorporación de terreos ó sistema xeral viario para a realización dunha rotonda de enlace na C-552.
4. Modificación do artigo 140 sobre rexime urbanístico do solo rústico común apto para urbanizar no referente á altura máxima permitida nos ámbitos de uso mixto.
O que se fai público para a súa executividade, cumprindo así co disposto na normativa legal pola que se rexe, sinalando que contra o presente acordo, que é definitivo en vía administrativa, de conformidade co disposto no artigo 6 da Lei 7/1995, do 29 de xuño, de delegación y distribución de competencias en materia de urbanismo, poderá interpoñerse potestativamente recurso de reposición, perante o mesmo órgano que o dictou, no prazo dun mes, contado desde o día seguinte ó da publicación do presente acordo, de conformidade co disposto no artigo 116.1º da Lei 30/1992, do 26 de novembro, de réxime xurídico das administracións públicas e do procedemento administrativo común, ou ben, impugnalo directamente ante a orde xurisdiccional contencioso-administrativa.
Se se opta pola interposición de recurso potestativo de reposición, deberá ser resolto e notificado polo concello no prazo dun mes, segundo establece o artigo 117.2º da precitada lei. Transcorrido un mes desde a interposición do recurso de reposición sen que recaese resolución en prazo, entenderase desestimado e poderase interpoñer recurso contencioso-administrativo.
Así mesmo, contra a resolución do recurso de reposición, ou ben directamente contra o presente acordo, poderase interpoñer recurso contencioso-administrativo perante a xurisdicción contencioso-administrativa, de conformidade co disposto nos artigos 10.1º a) e 46.1º da Lei 29/1998, do 13 de xullo, no prazo de dous meses, contados desde o día seguinte ó da notificación da devandita resolución ou da publicación do presente acordo. Se a resolución non fose expresa, o prazo de interposición do recurso contencioso-administrativo será de seis meses, e contarase a partir do día seguinte a aquel en que deba entenderse presuntamente desestimado o recurso potestativo de reposición interposto, segundo establece os artigos 46.1º e 4º da Lei 29/1998, do 13 de xullo.
Advírtese que tamén poderá interpoñer calquera outro recurso que os interesados consideren pertinentes en defensa dos seus intereses.
Coristanco, 27 de xaneiro de 2003.
Antonio Pensado Plágaro
Alcalde