DOG 40 do 26/02/2003 - ORDE do 20 de febreiro de 2003 pola que se convocan para a elección de destino provisional os aspirantes que superaron o proceso selectivo convocado polas ordes do 8 de outubro de 2001 para o ingreso no corpo facultativo superior da Xunta de Galicia (grupo A), escalas de arqueólogos e facultativa de bibliotecas, no corpo facultativo de grao medio da Xunta de Galicia (grupo B), escalas de enxeñeiros técnicos de obras públicas e topógrafos, e no corpo de axudantes facultativos da Xunta de Galicia (grupo C), escala de delineantes.

IV. OPOSICIÓNS E CONCURSOS

CONSELLERÍA DA PRESIDENCIA, RELACIÓNS INSTITUCIONAIS E ADMINISTRACIÓN PÚBLICA

ORDE do 20 de febreiro de 2003 pola que se convocan para a elección de destino provisional os aspirantes que superaron o proceso selectivo convocado polas ordes do 8 de outubro de 2001 para o ingreso no corpo facultativo superior da Xunta de Galicia (grupo A), escalas de arqueólogos e facultativa de bibliotecas, no corpo facultativo de grao medio da Xunta de Galicia (grupo B), escalas de enxeñeiros técnicos de obras públicas e topógrafos, e no corpo de axudantes facultativos da Xunta de Galicia (grupo C), escala de delineantes.

Polas ordes do 8 de outubro de 2001 (DOG nº 199, do 15 de outubro), convocouse proceso selectivo para o ingreso en distintas escalas do corpo facultativo superior da Xunta de Galicia (grupo A), do corpo facultativo de grao medio da Xunta de Galicia (grupo B) e do corpo de axudantes facultativos da Xunta de Galicia (grupo C); unha vez elevadas a definitivas as propostas de aspirantes que superaron estes procesos selectivos nas escalas de arqueólogos, facultativa de bibliotecas, enxeñeiros técnicos de obras públicas, topógrafos e delineantes polas ordes do 21 de xaneiro de 2003 (DOG nº 19, do 29 de xaneiro), do 28 de xaneiro de 2003 (DOG nº 25, do 5 de febreiro), do 17 de xaneiro de 2003 (DOG nº 15, do 23 de xaneiro) e do 13 de febreiro de 2003 (DOG nº 36, do 20 de febreiro), e co obxecto de que os aspirantes que superaron o dito proceso accedan á condición de funcionarios coa maior brevidade posible, esta consellería

DISPÓN:

Convoca-los aspirantes que superaron o proceso selectivo para o ingreso no corpo facultativo superior

da Xunta de Galicia (grupo A), escalas de arqueólogos e facultativa de bibliotecas, no corpo facultativo de grao medio da Xunta de Galicia (grupo B), escalas de enxeñeiros técnicos de obras públicas e topógrafos, e no corpo de axudantes facultativos da Xunta de Galicia (grupo C), escala de delineantes, para a elección de destino provisional, en único chamamento, no salón de actos pequeno da Consellería da Presidencia, Relacións Institucionais e Administración Pública sito no soto desta consellería no edificio administrativo de San Caetano en Santiago de Compostela o día 7 de marzo de 2003, ás 10 horas.

Os aspirantes poderÁn elixir segundo a orde acadada no proceso selectivo convocado pola Orde do 8 de outubro de 2001 entre os postos que se relacionan no anexo I (escala de arqueólogos), anexo II (escala facultativa de bibliotecas), anexo III (enxeñeiros técnicos de obras públicas), anexo IV (topógrafos) e anexo V (delineantes).

Os aspirantes deberán ir provistos de DNI ou outro documento que acredite fidedignamente a súa personalidade.

Os que non comparezan persoalmente poderán ser representados por terceiras persoas con poder notarial suficiente.

Unha vez rematado o proceso de adxudicación das prazas ós aspirantes presentes ou representados, ós que non comparezan persoalmente nin por medio de representantes seranlles adxudicadas en destino provisional as prazas que lle correspondan atendendo á orde de publicación destas e ó número obtido nos procesos selectivos, entre as que quedasen sen adxudicar.

Santiago de Compostela, 20 de febreiro de 2003.

Jaime Pita Varela

Conselleiro da Presidencia, Relacións

Institucionais e Administración Pública

ANEXO I