Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:

Solicitante: Unión Fenosa Distribución, S.A.

Domicilio social: A Batundeira, 2-Velle, 69, 32960 Ourense.

Denominación: L.M.T., C.T., R.B.T., Armada.

Situación: Cartelle.

Descricións técnicas: liña aérea a 20 kV, de 33 m, con orixe nun apoio a intercalar na L.M.T. Castrelo-Cartelle e remata no C.T. proxectado aéreo con 50 kV, R/T 20.000/380-220 V en Armada. Rede de baixa tensión derivada do C.T.

Cumpridos os trámites ordenados na Lei 54/1997, do 27 de novembro, e no capítulo II do R.D.

1955/2000, do 1 de decembro, sobre autorización de instalación eléctrica, esta delegación provincial resolve:

Autorizar e aproba-lo proxecto de execución das devanditas instalacións, nas que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.

Contra a presente resolución poderase interpoñer recurso de alzada ante o conselleiro de Industria e Comercio no prazo de vinte días contados a partir do día seguinte ó da notificación desta resolución; tamén se poderá interpoñer calquera outro recurso que se estime pertinente ó seu dereito.

Ourense, 3 de xaneiro de 2003.

Ramón Fernández-Linares Bouza

Delegado provincial de Ourense