Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:

Solicitante: Xestur Lugo.

Domicilio social: praza San Domingo, 6-5º, 27001 Lugo.

Denominación: L.M.T., C.T., L.B.T. servicio de acometidas en urbanización unidade de actuación área N-18.

Situación: Lugo.

Descricións técnicas: C.T. de 630 kVA de potencia e relación de transformación 20.000/380-220 V. L.M.T. subt. a 20 kV con 800 m de lonxitude conductor tipo R.H.Z.1.

Cumpridos os trámites ordenados na Lei 54/1997, do 27 de novembro, e no título VII do Real decreto 1955/2000, do 1 de decembro, sobre autorización de instalacións eléctricas, esta delegación provincial resolve:

Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente.

Contra esta resolución pódese interpoñer recurso de alzada ante o conselleiro de Industria e Comercio no prazo dun mes, contado a partir do día seguinte ó da notificación desta resolución; tamén se pode interpor calquera outro recurso que se considere pertinente ó seu dereito.

Lugo, 17 de decembro de 2002.

Jesús Bendaña Suárez

Delegado provincial de Lugo