Polo presente edicto faise saber que en providencia dictada no día da data, por esta sección segunda da Sala do Contencioso-Administrativo do Tribunal Superior de Xustiza de Galicia, se acordou admitir a trámite o recurso interposto pola procuradora María Dolores Neira López, en nome e representación de Empresa Freire, S.L., contra a Orde do 3 de abril de 2002, pola que se resolveu outorgar á empresa Monforte de Lemos, S.A. unha concesión do servicio público regular de transporte de viaxeiros por estrada (DOG nº 142, do 24 de xullo).

Recurso número: 02/0005536/2002.

A publicación deste anuncio servirá de emprazamento para as persoas que, non tendo sido notificadas persoalmente, posúan un dereito ou interese lexítimo no citado recurso, que poderán comparecer en legal forma no prazo de nove días. Se o fixesen con posterioridade, teráselles por parte para os trámites non precluídos.

A Coruña, 30 de decembro de 2002.

Isabel Freire Corzo

Secretaria