O artigo 74 da Lei 5/1998, do 18 de decembro, de cooperativas de Galicia e o Decreto 430/2001, do 18 de decembro, polo que se aproba o Regulamento do rexistro de cooperativas de Galicia, no seu artigo 53.2º, establece a obrigatoriedade da publicación, no Diario Oficial de Galicia, do acordo de modificación do obxecto social das cooperativas. Na súa virtude,
RESOLVO:
Dispoñe-la publicación, no Diario Oficial de Galicia, da variación do obxecto social da entidade Santa María do Val, S. Coop. Galega, acordada na asemblea xeral celebrada o día 23-6-2002.
Na devandita asemblea acordouse o cambio do obxecto social da cooperativa e como consecuencia deixa de ser unha cooperativa agraria para se converter nunha cooperativa de consumidores e usuarios.
A Coruña, 2 de xaneiro de 2003.
Reyes Carabel Pedreira
Delegada provincial da Coruña