A Consellería de Cultura, Comunicación Social e Turismo, unha vez cumpridos os trámites administrativos correspondentes, resolveu anuncia-los concursos que a seguir se citan:
Obxecto: catalogación de impresos dos séculos XVI-XIX procedentes das bibliotecas de Mondoñedo, Poio, Pontevedra e Santiago de Compostela con destino á base de datos do Catálogo Colectivo do Patrimonio Bibliográfico de Galicia.
Orzamento base de licitación: noventa mil cento cincuenta e un euros con oitenta e dous céntimos (90.151,82 A), IVE incluído.
Prazo de execución: cinco (5) meses.
Clasificación: non se esixe.
Solvencia económica: informe emitido por unha institución financeira.
Solvencia técnica: relación dos principais servicios realizados durante os tres últimos anos.
Obxecto: catalogación de impresos do século XX con destino á base de datos do Centro Superior Bibliográfico de Galicia.
Orzamento base de licitación: noventa mil cento cincuenta e un euros con oitenta e dous céntimos (90.151,82 A), IVE incluído.
Prazo de execución: dous (2) meses.
Clasificación: non se esixe.
Solvencia económica: informe emitido por unha institución financeira.
Solvencia técnica: relación dos principais servicios realizados durante os tres últimos anos.
1. Entidade adxudicadora.
a) Organismo: Consellería de Cultura, Comunicación Social e Turismo.
b) Dependencia que tramita os expedientes: Secretaría Xeral.
2. Obxecto dos contratos.
a) Tipo de contratos: servicios.
b) Descrición do obxecto: os arriba indicados para cada expediente.
c) Prazo de execución: os arriba indicados para cada expediente.
3. Tramitación, procedemento e forma de adxudicación.
a) Tramitación: urxente.
b) Procedemento: aberto.
c) Forma de adxudicación: concurso público.
4. Orzamento base de licitación.
Importe total: os arriba indicados para cada expediente.
5. Garantías.
a) Provisional: non se esixe.
b) Definitiva: 4% do importe de adxudicación.
6. Obtención de documentación e información: os pregos de cláusulas administrativas particulares e de prescripcións técnicas poderán ser examinados no Servicio de Obras e Contratación (teléfono 981 54 48 23) da Secretaría Xeral da Consellería de Cultura, Comunicación Social e Turismo e nas delegacións provinciais durante o prazo de presentación de proposicións, desde as 9 ás 14 horas, e solicitarse no teléfono 981 58 89 38.
Tamén se poderán obte-los pregos relativos a estas contratacións nos seguintes enderezos da Internet:
http://www.xunta.es/contratacion/resultado.asp?N=2218Séculos XVI-XIX
http://www.xunta.es/contratacion/resultado.asp?N=2210Século XX
7. Requisitos específicos do contratista.
a) Clasificación : a indicada para cada expediente.
b) Solvencia económica e técnica: a indicada para cada expediente.
8. Presentación de ofertas.
a) Data límite de presentación: antes das 14 horas do oitavo día natural a partir do seguinte ó da publicación desta resolución no DOG.
b) Documentación que hai que presentar para cada un dos expedientes: a esixida na cláusula 6 do prego de cláusulas administrativas particulares. As empresas que licitan a máis dunha contratación, deberán presentar toda a documentación (sobres A e B ) para cada un dos contratos.
c) Lugar de presentación de proposicións: efectuarase no rexistro xeral da Consellería de Cultura, Comunicación Social e Turismo, en sobres pechados en horario de 9 a 14 horas. Se as proposicións se cursan por correo haberá que aterse ó previsto na cláusula 6.1. do prego de cláusulas administrativas particulares.
d) Admisión de variantes: non se admiten.
9. Apertura das proposicións.
a) Entidade: Consellería de Cultura, Comunicación Social e Turismo (sala de xuntas), San Caetano, s/n, Santiago de Compostela.
b) Data e hora: a partir das 11 horas do oitavo día natural seguinte ó do remate do prazo de admisión de proposicións. No caso de que coincida en sábado ou festivo, a apertura realizarase o día hábil seguinte.
10. Gastos do anuncio: por conta dos adxudicatarios.
Santiago de Compostela, 4 de xaneiro de 2003.
P.D. (Orde 15-12-1997)
Andrés González Murga
Secretario xeral da Consellería de Cultura,
Comunicación Social e Turismo