Resoltas as reclamacións e renuncias producidas á resolución provisional e de conformidade co establecido na base décimo primeira da Orde do 10 de outubro de 2002 pola que se convocou concurso de traslados específico, entre funcionarios docentes

do corpo de profesores de ensino secundario para cubriren prazas nos centros específicos de educación e promoción de adultos, esta dirección xeral,

DISPÓN:

Primeiro.-Adxudicar destino definitivo, en centros específicos de educación e promoción de adultos, ós profesores que figuran no anexo I.

Segundo.-De conformidade co establecido na base décimo quinta da Orde do 10 de outubro de 2002, a toma de posesión dos novos destinos adxudicados terá efectividade administrativa do 1 de setembro de 2003, polo que o cesamento, nos centros anteriores, expedirase con efectividade do 31 de agosto de 2003.

Non obstante, os profesores que obtivesen destino neste concurso deberán permanecer nos seus centros de orixe ata que conclúan as actividades imprescindibles previstas para a finalización do curso.

Terceiro.-Ós profesores que se lles conceda unha comisión de servicios con efectividade do 1 de setembro de 2003, daráselles posesión e cesamento nominal, cos efectivos previstos no parágrafo anterior e tomarán posesión do seu destino provisional en réxime de comisión de servicios, cos efectos previstos do 1 de setembro de 2003.

Cuarto.-Os profesores participantes neste concurso de traslados que presentasen documentación poderán retirala eles mesmos ou por medio de persoa autorizada no servicio de profesorado de ensinanzas secundaria e especiais desta consellería (San Cae

tano, Santiago de Compostela) no prazo dun mes, unha vez finalizado o prazo para a presentación de recurso sinalado na base seguinte.

Quinto.-Contra a presente resolución poderase interpoñer recurso de alzada ante o conselleiro de Educación e Ordenación Universitaria no prazo dun

mes contados desde o día seguinte ó da súa publicación no Diario Oficial de Galicia.

Santiago de Compostela, 31 de xaneiro de 2003.

Severino Somoza Gómez

Director xeral de Persoal

ANEXO I

Adxudicación definitiva do concurso de traslados de adultos