Mediante Decreto 8/2003, do 18 de xaneiro, modificouse a estructura orgánica da Xunta de Galicia, integrándose nela a Consellería de Emigración.
No Decreto 23/2003, do 20 de xaneiro, fixouse a estructura orgánica dos departamentos da Xunta de Galicia, estructurándose a Consellería de Emigración en tres órganos superiores: a Secretaría Xeral, a Dirección Xeral de Emigración e a Dirección Xeral de Apoio á Inmigración.
Ó abeiro do disposto na disposición transitoria primeira do devandito Decreto 23/2003, do 20 de xaneiro, cómpre determina-la adscrición dos órganos dependentes da suprimida Dirección Xeral de Cooperación Exterior á nova Dirección Xeral de Apoio á Inmigración.
Na súa virtude,
DISPOÑO:
Artigo 1º
Entrementres non se aproben os correspondentes decretos de estructuras orgánicas dos departamentos da Xunta de Galicia, adscríbese todo o persoal das diferentes unidades administrativas dependentes da suprimida Dirección Xeral de Cooperación Exterior á Dirección Xeral de Apoio á Inmigración.
Artigo 2º
A adscrición efectuarase respectando os mesmos niveis dos postos que viñan ocupando na Dirección Xeral de Cooperación Exterior e con efectos administrativos desde o día 21 de xaneiro de 2003.
Disposición derradeira
Esta orde entrará en vigor o día seguinte ó da súa publicación no Diario Oficial de Galicia.
Santiago de Compostela, 21 de xaneiro de 2003.
Aurelio Miras Portugal
Conselleiro de Emigración
CONSELLERÍA DA PRESIDENCIA, RELACIÓNS INSTITUCIONAIS
E ADMINISTRACIÓN PÚBLICA