Ana María Carrasco García, secretaria do Xulgado do Social número catro da Coruña, dou fe e certifico que neste xulgado se seguen autos número 730/2002 por instancia de Mª José Sánchez Fraga e outros

contra Construcciones Peña Aguda, S.L. sobre despedimento, nos que recaeu sentencia en data 30-11-2002 que, copiada nos particulares necesarios, di así:

Decido que, estimando a demanda promovida por María José Sánchez Fraga, Marcos Álvarez Vázquez, José Manuel López González, Antonio Garrido Rodríguez, Indalecio García Beascoechea, contra Construcciones Peña Aguda, S.L. debo condenar e condeno a demandada a que lles aboe ós demandantes as cantidades seguintes: María José Sánchez Fraga, 4.697,66 A, a Marcos Álvarez Vázquez, 5.105,48 A a José Manuel López González, 13.298,40 A, a Antonio Garrido Rodríguez, 8.385,64 A e a Indalecio García Beascoechea, 756,17 A, por tódolos conceptos reclamados en demanda. Así, por esta miña sentencia contra a que poderá recorrerse en suplicación perante a Sala do Social do Tribunal Superior de Xustiza de Galicia no prazo de cinco días contados desde o seguinte ó da súa notificación, anunciando o propósito de presentalo mediante comparecencia ou por escrito, sendo indispensable que, ó tempo de anuncialo, recorrente, se é empresario, exhiba diante deste Xulgado do Social o xustificante acreditativo de ter

depositado no Banco Bilbao Vizcaya, oficina principal desta cidade, na conta corrente deste xulgado, número 5605, clave 60, a cantidade obxecto da condena, podendo substituírse, a consignación en metálico polo aseguramento mediante aval bancario, no que deberá facerse consta-la responsabilidade solidaria do avalista, requisito sen o cal non poderá terse por anunciado o recurso e quedará firme a sentencia. Deberase consignar ademais a cantidade de 25.000 pesetas na mesma conta, clave 65, entregándose o xustificante na secretaría o tempo de interpoñe-lo recurso, declarándose este desistido de non constituírse este depósito na forma indicada, definitivamente xulgando en primeira instancia, pronúncioo, mándoo e asínoo.

E para que conste, para efectos da súa publicación no Diario Oficial de Galicia co fin de que sirva de notificación á empresa Construcciones Peña Aguda, S.L., expido e asino esta cédula na Coruña, 9 de decembro de 2002.

A secretaria xudicial

Rubricado