En virtude do acordado pola maxistrada xuíza do Xulgado de Primeira Instancia número dous de Pontevedra, no procedemento de referencia, por medio deste edicto faise saber á entidade demandada que se dictou a resolución do teor literal seguinte:
«Auto.
A maxistrada xuíza, María Aurelia Montenegro Arce, en Pontevedra o 17 de outubro de 2002.
Antecedentes de feitos.
Primeiro.-A procuradora Alejandra Freire Riande, actuando en nome e en representación de Obrascón Huarte Laín, S.A. e Construcciones Laín, S.A., solicitou a execución forzosa do laudo arbitral dictado o 29 de abril de 1998, resolvendo a cuestión litixiosa suscitada entre a súa representación e Sociedad Cooperativa de Viviendas Altavista.
Segundo.-Da petición á que se fai referencia no feito que antecede conferiuse traslado a Sociedad Cooperativa de Viviendas Altavista para os fins e polo prazo establecido no artigo 55 da Lei de arbitraxe, o que se levou a cabo por medio de edictos, ó ser descoñecido o seu domicilio.
Fundamentos de dereito.
Primeiro.-O título presentado leva aparellada execución, conforme o establecido no artigo 517.2.2. da LAC, sendo a cantidade reclamada determinada e líquida.
Segundo.-O escrito reúne os requisitos do artigo 549.1º da LAC, cumpre así mesmo cos orzamentos procesuais esixidos no artigo 550 e a medida de embargo solicitada é a adecuada nunha reclamación diñeiraria, polo que, como dispón o artigo 551 da LAC, procede despacha-la execución solicitada.
En canto ós xuros e custas, o reclamado non supera o 30% da cantidade reclamada, conforme o artigo 575 da LAC.
Terceiro.-Non sendo necesario na execución de resolucións arbitrais o previo requirimento de pagamento, artigo 580 da LAC, procede decretar directamente nesta resolución o embargo dos bens designados pola parte executante, en canto se estiman suficientes para cubri-las cantidades reclamadas.
Parte dispositiva.
Procede despacha-la execución solicitada pola procuradora sra. Freire, en nome e representación de Obrascón Huarte Laín, S.A. e Construcciones Laín, S.A., parte executante, fronte á Sociedad Cooperativa de Viviendas Altavista, parte executada, polas seguintes cantidades:
1. 1.359.621,06 euros de principal.
2. 407.886,31 euros de xuros e custas da execución.
3. Decláranse embargados os seguintes bens: inmoble propiedade da demandada Sociedad Cooperativa de Viviendas Altavista, inscrita baixo o número 52292 do libro 782 do tomo 1699 do Rexistro da Propiedade número dous de Vigo.
Para a efectividade do embargo, líbrese mandamento ó Rexistro da Propiedade de Vigo.
Esta resolución é firme e contra ela non cabe ningún recurso, sen prexuízo da oposición que poida formula-lo executado, de acordo co artigo 551.2º da LAC, no prazo de dez días.
Así por este auto, dispóñoo, mándoo e asínoo. Dou fe. A maxistrada-xuíza. O/A secretario/a. Rubricado».
E como consecuencia do ignorado paradoiro da Sociedad Cooperativa de Viviendas Altavista, expídese este edicto para que sirva de cédula de notificación.
Pontevedra, 30 de outubro de 2002.
O/A secretario/a
Rubricado