Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita:
Solicitante: Unión Fenosa Distribución, S.A.
Domicilio social: avda. de Arteixo, 171, 15007 A Coruña.
Denominación: L.M.T.S., C.T. avda. de Fisterra, nº 36.
Situación: Arteixo.
Descricións técnicas: L.M.T. subterránea a 15/20 kV, de 82 m de lonxitude, en conductor R.H.V. de 240 mm Al, que parte da L.M.T.S. a C.T. Ángel del Castillo, nº 16 (expediente 348/2000), con entrada e saída no C.T. avda. de Fisterra, nº 36, de 400 kVA, tipo subterráneo e final na mesma L.M.T.S. Concello de Arteixo.
Cumpridos os trámites ordenados na Lei 54/1997, do 27 de novembro, do sector eléctrico (BOE nº 285), e no título VII, capítulo II, do Real decreto 1955/2000, do 1 de decembro (BOE nº 310), sobre autorización de instalacións de enerxía eléctrica, esta delegación provincial resolve:
Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación.
As instalacións executaranse nun prazo non superior a seis meses, contados a partir da data desta resolución.
Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que se estime pertinente.
A Coruña, 12 de decembro de 2002.
Jesús Espada Martínez
Delegado provincial da Coruña