O Concello Pleno, en sesión ordinaria realizada o 28 de novembro de 2002, acordou o seguinte:
«1. O Pleno Municipal do Concello de Sada, de conformidade co establecido no artigo 34.1º da Lei 1/1997, do solo de Galicia, e co fin de estudia-la reforma das NN.SS.MM., acorda a suspensión, para tódolos usos, do procedemento de outorgamento de licencias de parcelación de terreos, edificación e demolición na zona do ámbito de aplicación do sistema xeral portuario.
2. Esta suspensión extinguirase, en todo caso, no prazo dun ano.
3. O devandito acordo publicarase no BOP e no DOG, así como nun dos xornais de maior difusión».
Contra o devandito acordo plenario, que é definitivo na vía administrativa, os interesados poderán interpor recurso de reposición no prazo dun mes contado a partir do día seguinte ó da última publicación deste anuncio no BOP, DOG ou no xornal El Ideal Gallego perante o Pleno do Concello de Sada, ou ben poderá impugnarse directamente en vía xurisdiccional mediante a interposición de recurso contencioso-administrativo ante a sala correspondente do Tribunal Superior de Xustiza de Galicia no prazo de dous meses contados a partir do día seguinte ó da súa última publicación nos medios citados anteriormente.
No suposto de que se interpoña recurso administrativo de reposición, non poderá interporse recurso contencioso-administrativo mentres non se resolva expresa ou presuntamente o recurso de reposición interposto.
En tal caso o prazo para interpo-lo recurso contencioso-administrativo contarase desde o día seguinte a aquel en que se notifique a resolución expresa do recurso potestativo de reposición ou desde o que deba entenderse presuntamente desestimado.
No suposto de desestimación presunta do recurso de reposición -polo transcurso do prazo máximo dun mes desde a súa interposición, sen que se resolvera nin notificara o prazo para interpor recurso contencioso-administrativo é de seis meses.
Non obstante, poderá interpor calquera outro que estime pertinente.
Sada, 5 de decembro de 2002.
Ramón Rodríguez Ares
Alcalde