En cumprimento do disposto no artigo 28.5º del Decreto 80/2000, do 23 de maio, polo que se regulan os plans e proxectos sectoriais de incidencia supramunicipal, esta dirección xeral dispón que se publique no DOG o acordo adoptado polo Consello da Xunta de Galicia na súa reunión do 28 de novembro de 2002, da que a súa parte dispositiva é o seguinte texto literal:
«1º.-Aprobar definitivamente o proxecto sectorial de incidencia supramunicipal nomeado parque eólico Álabe-Leste.
2º.-De conformidade co contido do acordo do Consello da Xunta de Galicia do 1 de novembro de 1997, polo que se aproba o Plan Eólico de Galicia como proxecto sectorial de incidencia supramunicipal, o planeamento dos concellos de Ourol e O Valadouro queda vinculado ás determinacións contidas no proxecto sectorial que se aproba».
Santiago de Compostela, 9 de decembro de 2002.
Ramón Ordás Badía
Director xeral de Industria, Enerxía e Minas