Por Resolución do 29 de novembro de 2002, da Dirección Xeral da Función Pública, publicada no Diario Oficial de Galicia nº 235, do 5 de novembro, apróbanse as relacións provisionais de admitidos e excluídos do proceso selectivo para o ingreso no corpo superior de Administración da Xunta de Galicia (grupo A).

Transcorrido o prazo regulamentario para a presentación de emendas relativas ás citadas relacións de admitidos e excluídos, de conformidade co establecido no artigo 12 do Regulamento de selección de persoal da Administración da Comunidade Autónoma de Galicia e na base I.4.2. das que rexen o proceso selectivo convocado pola Orde do 10 de outubro de 2002, publicada no Diario Oficial de Galicia nº 199, do 15 de outubro, esta dirección xeral

RESOLVE:

Aproba-las listas definitivas de admitidos e excluídos do proceso selectivo para o ingreso no corpo superior de Administración da Xunta de Galicia (grupo A).

A lista definitiva de aspirantes excluídos figura publicada como anexo a esta resolución.

As listas definitivas de aspirantes admitidos estará exposta nos taboleiros de anuncios da Consellería da Presidencia, Relacións Institucionais e Administración Pública e nos das súas delegacións provinciais, no servicio de información do edificio administrativo da Xunta de Galicia en Vigo e nas oficinas comarcais da Xunta de Galicia.

Para efectos de información, o teléfono de contacto é o 902 12 00 12 en horarios de 9 a 19 horas de luns a venres e de 9 a 14 horas os sábados.

De conformidade co establecido na base I.3.1, os aspirantes excluídos disporán do prazo dun mes, contado a partir do día seguinte ó da publicación desta resolución no Diario Oficial de Galicia, para solicita-la devolución dos dereitos de exame aboados, debendo consigna-lo nome, apelidos, NIF, grupo ó que se presentou e o número de conta, entidade bancaria e a localidade desta.

Contra esta resolución poderarse interpoñer recurso potestativo de reposición ante a Consellería da Presidencia, Relacións Institucionais e Administración Pública, no prazo dun mes, contado desde o día seguinte o da súa publicación no Diario Oficial de Galicia, de conformidade co establecido na Lei 30/1992, do 26 de novembro, ou poderase interpoñer directamente recurso contencioso administrativo ante a Sala do Contencioso-Administrativo do Tribunal Superior de Xustiza de Galicia no prazo de dous meses, contados desde a mesma data, de conformidade co disposto no artigo 8.2º da Lei 29/1998, do 13 de xullo, en relación co artigo 10.1º do mesmo texto legal.

Santiago de Compostela, 10 de xaneiro de 2003.

Belén Prado Sanjurjo

Directora xeral da Función Pública

ANEXO

Relación definitiva de excluídos

Promoción interna

Acceso libre

CAUSAS DE EXCLUSIÓN

10 INSTANCIA FÓRA DE PRAZO

20 TAXAS NON ABOADAS

21 IMPORTE TAXAS INGRESADAS INFERIOR Ó ESTIPULADO

22 TAXAS ABOADAS FÓRA DE PRAZO

30 MENOS DE DOUS ANOS NO GRUPO INMEDIATAMENTE INFERIOR

31 OPTA Á PRAZA DE MINUSVÁLIDOS SEN ACREDITA-LO 33% DE MINUS

VALIDEZ

32 NON OPTAR POR NINGUNHA RAMA

33 INCOMPATIBILIDADE COAS FUNCIÓNS PROPIAS DO CORPO

34 INSTANCIA INCORRECTA (INSTANCIA NON ORIXINAL)

35 NON PRESENTAR CERTIFICACIÓN DE COMPATIBILIDADE COAS FUNCIÓNS PROPIAS DO CORPO

40 PRESENTARSE Ó GRUPO POR PROMOCIÓN INTERNA E ACCESO LIBRE Á VEZ

41 NON ESPECIFICA-LA FORMA DE ACCESO

42 OPTA PRAZA DIMINUÍDOS POR PROMOCIÓN INTERNA

49 CERTIFICACIÓN MINUSVALIDEZ NON PRESENTADO/MAL COTEXADO

50 INSTANCIA INCORRECTA (ENMENDAS, RASPADURAS...)

51 INSTANCIA INCORRECTA (FALTA DE SINATURA,FALTA DE DATOS)

52 NON POSUÍ-LA NACIONALIDADE AUTORIZADA

53 FALTA DO DNI OU DNI INCORRECTO

54 NON TER OU NON ACREDITA-LA IDADE ESIXIDA

55 NON CUMPRIR OU NON ACREDITA-LO REQUISITO DE TITULACIÓN

56 NON ESPECIFICA-LO CORPO Ó QUE OPTA

57 NON PERTENCER Ó CORPO/ESCALA DO GRUPO CORRESPONDENTE