Convocada a provisión, polo sistema de libre designación, de postos de traballo vacantes na Consellería de Emigración e Cooperación Exterior, anunciada por Orde do 27 de novembro de 2002 (Diario Oficial de Galicia nº 234, do 4 de decembro), de conformidade co establecido no artigo 27.2º da Lei 4/1988, do 26 de maio, da función pública de Galicia, modificada pola Lei 3/1995, do 10 de abril, e nos artigos 16 e 17 do Decreto 93/1991, do 20 de marzo, polo que se aproba o Regulamento de provisión de postos de traballo, promoción profesional e promoción interna, e no uso das atribucións conferidas polo artigo 15.4º da referida lei, esta consellería
DISPÓN:
Primeiro.-Resolve-la convocatoria pública para a provisión, polo sistema de libre designación, de postos de traballo vacantes na Consellería de Emigración e Cooperación Exterior, anunciada pola Orde do 27 de novembro de 2002 (Diario Oficial de Galicia nº 234, do 4 de decembro).
Segundo.-Adxudicar destino, nos postos de traballo que se indican, e selecciona-los funcionarios que se relacionan no anexo I desta orde.
Terceiro.-O cesamento no destino actual do funcionario que obtivo praza producirase no prazo de tres días, contados a partir do seguinte ó da data de publicación desta orde no Diario Oficial de Galicia.
O prazo para a toma de posesión do novo destino será de tres días a partir do seguinte ó do cesamento, de tratarse da mesma localidade onde actualmente o funcionario preste servicios, ou dun mes se radica en distinta localidade, de conformidade co establecido no artigo 14 o Decreto 93/1991, do 20 de marzo, e o disposto na base sétima da convocatoria.
O cómputo de prazos de posesión iniciarase cando rematen os permisos ou licencias que, se é o caso, fosen concedidas ós interesados. Nos supostos de baixa temporal ou transitoria iniciarase a partir da correpondente alta.
Cuarto.-A xefatura do centro no que cause baixa o funcionario, así como daquel no que obteña destino consignará no título administrativo, dentro do prazo sinalado no punto anterior, as correspondentes dilixencias de cesamento e toma de posesión.
Quinto.-Contra esta orde, que esgota á vía administrativa, os interesados poderán interpoñer recurso
potestativo de reposición perante o conselleiro de Emigración e Cooperación Exterior, no prazo dun mes contado a partir do día seguinte ó da súa publicación no Diario Oficial de Galicia, de conformidade co establecido na Lei 30/1992, do 26 de novembro, de réxime xurídico das administracións públicas e do procedemento administrativo común, segundo a redacción dada pola Lei 4/1999, do 13 de xaneiro, ou directemente recurso contencioso-administrativo, no prazo de dous meses contados desde a mesma data, perante o xulgado do contencioso-administrativo competente, segundo o establecido na Lei 29/1998, do 13 de xullo, reguladora da xurisdicción contencioso-administrativa.
Santiago de Compostela, 27 de decembro de 2002.
Aurelio Miras Portugal
Conselleiro de Emigración e Cooperación Exterior
ANEXO
Apelidos e nome: Cortón Lombardero, Carlos.
NRP: 3385932424 A2077.
Grupo: B.
Denominación do posto de traballo: xefe do Servicio de Cooperación ó Desenvolvemento.
Código: EM.C04.00.001.15770.006.
Corpo/escala: especial.
Nivel: 28.
Dependencia: Dirección Xeral de Cooperación Exterior.
Localidade: Santiago de Compostela (A Coruña).
Apelidos e nome: Mato Verdes, María Mercedes.
NRP: 5243116057 A2051.
Grupo: B.
Denominación do posto de traballo: xefe do Servicio de Cooperación Institucional, Corporativa, Asociativa e Fundacional.
Código: EM.C04.00.001.15770.012.
Corpo/escala: xeral.
Nivel: 28.
Dependencia: Dirección Xeral de Cooperación Exterior.
Localidade: Santiago de Compostela (A Coruña).