A Constitución española no seu artigo 18.4º dispón que «a lei limitará o uso da informática para garanti-lo honor e a intimidade persoal e familiar dos cidadáns e o pleno exercicio dos seus dereitos».
Neste sentido, a Lei orgánica 15/1999, do 13 de decembro, de protección de datos de carácter persoal, regula o tratamento de datos de carácter persoal rexistrados en soporte físico, así como toda modalidade de uso posterior deles polos sectores público e privado. Neste marco, é obxecto desta regulación a garantía e protección dos dereitos fundamentais e liberdades públicas das persoas físicas, e especialmente do seu honor e intimidade persoal e familiar.
O artigo 20.1º da devandita lei dispón que a creación, modificación ou supresión dos ficheiros das administracións públicas só poderá facerse por medio de disposición xeral publicada no BOE ou diario oficial correspondente.
As ordes do 27 de xullo de 1994 (DOG nº 146, do 30 de xullo) e 25 de xaneiro de 2002 (DOG nº 38, do 21 de febreiro) crearon determinados ficheiros automatizados de datos de carácter persoal na Consellería de Sanidade e no Servicio Galego de Saúde, ó abeiro do disposto na Lei orgánica 5/1992, do 29 de outubro, de regulación do tratamento automatizado de datos de carácter persoal e, con posterioridade, da Lei orgánica 15/1999, do 13 de decembro, de protección de datos de carácter persoal que veu substituí-la anterior.
A conveniencia de adapta-los ficheiros creados polas citadas ordes ás novas necesidades e ó cambio lexislativo operado na materia xustifica a súa modi
ficación, cancelando, no presente caso, os ficheiros que deixaron de ser útiles ou sexan substituídos por outros novos.
En consecuencia, e en virtude das facultades que me confire o artigo 34.6º da Lei 1/1983, do 22 de febreiro, reguladora da Xunta de Galicia e do seu presidente, modificada pola Lei 11/1988, do 20 de outubro,
DISPOÑO:
Artigo 1º.-Obxecto.
Esta orde ten por obxecto a modificación das ordes do 27 de xullo de 1994 e 25 de xaneiro de 2002 polas que se crearon determinados ficheiros automatizados de datos de carácter persoal na Consellería de Sanidade e no Servicio Galego de Saúde, suprimindo os ficheiros que se relacionan no anexo da presente orde.
Artigo 2º.-Destino.
1. Os datos de carácter persoal que se suprimiron segundo o disposto no artigo anterior, agás o ficheiro de Utilización Terapéutica da Eritropoetina, foron incluídos dentro dos de Sistema de Información e Vixilancia de Problemas de Saúde Pública e o do Sistema de Información e Vixilancia de Puntos de Risco para a Saúde Pública, ficheiros existentes na Consellería de Sanidade e o Servicio Galego de Saúde e nos centros dependentes deste, referenciados no anexo.
2. Os datos do ficheiro denominado Utilización Terapéutica da Eritropoetina serán destruídos, xa que a finalidade para a que foi creado rematou coa supresión do comité asesor para a utilización da eritropoetina o 13 de abril de 1998.
Disposición derradeira
A presente orde entrará en vigor o día seguinte ó da súa publicación no Diario Oficial de Galicia.
Santiago de Compostela, 17 de decembro de 2002.
José Mª Hernández Cochón
Conselleiro de Sanidade
ANEXO
Relación de centros nos que se procede a dar de baixa os ficheiros referenciados:
APD
Centro Ficheiros Código inscrición
Ficheiro existente que o inclúe
Dirección Xeral de Saúde Pública Estudios epidemiolóxicos e de saúde pública 1952910108 Sistema de Información e Vixilancia de Problemas de Saúde Pública
Rexistro nominal de detección precoz de enfermidades endócrino-metabólicas (Metabolopatías) 1952910109 Sistema de Información e Vixilancia de Problemas de Saúde Pública
Rexistro de nenos vacinados 1952910110 Sistema de Información e Vixilancia de Problemas de Saúde Pública
Rexistro de VIH/SIDA 1952910111 Sistema de Información e Vixilancia de Problemas de Saúde Pública
Enfermidades de declaración obrigatoria individualizada 1952910112 Sistema de Información e Vixilancia de Problemas de Saúde Pública
Rexistro nominal de casos de tuberculose 1952910113 Sistema de Información e Vixilancia de Problemas de Saúde Pública
APD
Centro Ficheiros Código inscrición
Ficheiro existente que o inclúe
Datos antropométricos e xestacionais de defuncións ocorridas no período perinatal en Galicia 1952910114 Sistema de Información e Vixilancia de Problemas de Saúde Pública
Rexistro de tumores 2021260291 Sistema de Información e Vixilancia de Problemas de Saúde Pública
Detección xordeira 2021260290 Sistema de Información e Vixilancia de Problemas de Saúde Pública
Prevención cancro de mama 2021260293 Sistema de Información e Vixilancia de Problemas de Saúde Pública
Rexistro Xeral Sanitario de Industrias 1952910102 Sistema de Información e Vixilancia de Puntos de Risco para a Saúde Pública
Restauración colectiva 1952910103 Sistema de Información e Vixilancia de Puntos de Risco para a Saúde Pública
Plan Nacional de Investigación de Residuos en Carnes e Animais (PNIR) 1952910105 Sistema de Información e Vixilancia de Puntos de Risco para a Saúde Pública
Censo de cemiterios de Galicia 1952910106 Sistema de Información e Vixilancia de Puntos de Risco para a Saúde Pública
Dirección Xeral de Organización Sanitaria Utilización terapéutica da eritropoetina 1952910101