Convocada a provisión, polo sistema de libre designación, de postos de traballo vacantes na Consellería de Asuntos Sociais, mediante Orde do 13 de setembro de 2002 (DOG nº 184, do 24 de setembro), de conformidade co establecido nas bases quinta e sexta da referida orde, esta consellería,

DISPÓN:

Primeiro.-Resolve-la convocatoria pública para a provisión, polo sistema de libre designación, de doce postos de traballo vacantes nos servicios periféricos da Consellería de Asuntos Sociais, anunciada pola Orde do 13 de setembro de 2002 (DOG nº 184, do 24 de setembro).

Segundo.-Adxudicarlles destinos, nos postos de traballo que se indican, ós funcionarios que se relacionan no anexo I a esta orde.

Terceiro.-Declarar deserto o posto de traballo que se indica no anexo II a esta orde.

Cuarto.-O cesamento no actual destino dos/as funcionarios/as que obtiveron praza producirase no prazo de tres días, contados a partir do seguinte ó da data da publicación desta orde no Diario Oficial de Galicia.

Se na data na que deben cesar no seus destinos os funcionarios están desfrutando un período de licencia, vacacións ou permiso, o prazo para efectualo empezará a contar a partir do día seguinte ó da súa incorporación.

A toma de posesión das prazas adxudicadas deberase realizar no prazo dos tres días seguintes ó do cesamento, de tratarse da mesma localidade na que actualmente prestan os seus servicios os funcionarios, ou no prazo dun mes, de tratarse de distinta localidade, conforme o establecido no artigo 14 do Decreto 93/1991, do 20 de marzo.

Quinto.-O xefe do centro no que causen baixa os funcionarios, así como o daquel no que obteñan destino, consignarán no título administrativo, dentro do prazo sinalado no punto anterior, as correspondentes dilixencias de cesamento e toma de posesión, das que se dará traslado, mediante copia, á Dirección Xeral da Función Pública.

Sexto.-Contra esta orde, que esgota a vía administrativa, os interesados poderán interpoñer recurso potestativo de reposición perante esta consellería, no prazo dun mes contado desde o día seguinte ó da súa publicación no DOG, de conformidade co establecido na Lei 30/1992, do 26 de novembro, na súa nova redacción dada pola Lei 4/1999, do 13 de xaneiro, ou poderán impugnala directamente perante o xulgado do contencioso-administrativo competente no prazo de dous meses contados a partir da mesma data, segundo o establecido na Lei 29/1998, do 13 de xullo, reguladora da xurisdicción contencioso-administrativa.

Santiago de Compostela, 27 de decembro de 2002.

Corina Porro Martínez

Conselleira de Asuntos Sociais

ANEXO I

ANEXO II