Aprobado inicialmente pola Comisión de Goberno, en sesión do 7 de novembro de 2002, o proxecto técnico para a contratación da obra de construcción de edificio de usos múltiples, redactado polo arquitecto Carlos Rosón Gasalla, queda exposto ó público na secretaría deste concello, durante o prazo de quince días hábiles, que empezarán a contarse desde o día seguinte ó da inserción do presente edicto no BOP, para efectos de exame e reclamacións.
Na mesma sesión tamén se aprobaron os pregos de cláusulas administrativas que rexerán o citado concurso público por procedemento aberto da citada contratación, expoñéndose ó público por un prazo de oito días hábiles, para os efectos de que os interesados poidan examinalos e formula-las alegacións que consideren oportunas.
Pola súa vez convócase licitación pública para a adxudicación da citada obra, que quedaría aprazada no suposto de presentarse reclamacións ó proxecto técnico ou ó prego de bases, restablecéndose, o que reste, a partir do día seguinte da súa resolución.
Obxecto: contratación mediante concurso polo procedemento aberto da obra de construcción do edificio de usos múltiples.
Tipo de licitación: e o seguinte: 69.120 euros.
Prazo de execución: 5 meses desde a notificación da adxudicación.
Garantía: a provisional establécese en 1.382,40 euros. A definitiva será igual ó 4% do importe da adxudicación.
Presentación de proposicións: presentaranse na secretaría do concello, das 9 ás 13 horas, durante o prazo de 26 días naturais, contado desde o día seguinte ó da publicación deste anuncio no BOP.
Apertura de plicas: terá lugar ás nove horas do primeiro día hábil seguinte ó que termine o prazo
de presentación de proposicións. Se este fose sábado, terá lugar o primeiro día hábil seguinte.
Criterios de adxudicación: serán os fixados na correspondente cláusula do prego de condicións.
Modelo de proposición: o recollido na correspondente cláusula dos pregos de condicións. Os licitadores presentarán simultaneamente coa proposición, e en sobre pechado, os documentos que se indican na referida cláusula.
Gastos: serán por conta do adxudicatario os gastos dos anuncios así como tódolos derivados do contrato.
Vila de Cruces, 11 de novembro de 2002.
Jesús Otero Varela
Alcalde presidente