Aprobado o prego de condicións económico-administrativas para a subministración de balizamentos para as praias de Foxos, Magor e Paxariñas, ponse a información pública polo prazo de 8 días para efectos de reclamacións. Así mesmo, anúnciase a convocatoria de concurso para a devandita contratación.
1. Entidade adxudicadora.
a) Organismo: Concello de Sanxenxo.
b) Dependencia que tramita o expediente: Sección de Obras Municipais.
2. Obxecto do contrato.
a) Descrición: subministración de balizamentos para as praias de Foxos, Magor e Paxariñas.
b) Lugar de execución: Sanxenxo.
c) Lugar de execución: antes do 1 de maio de 2003.
3. Tramitación, procedemento e forma de adxudicación.
a) Tramitación: ordinaria.
b) Procedemento: aberto.
c) Forma: concurso.
4. Orzamento base de licitación.
Importe total: 133.573,38 euros.
5. Garantías.
Provisoria: 2.671,47 euros.
Definitiva: 4% do prezo de adxudicación.
6. Obtención de documentación e información.
Sección de Obras Municipais do Concello de Sanxenxo-Rúa Consistorio, 4-6 36960 Sanxenxo (Pontevedra). Tfno.: 72 00 75. Fax: 72 10 22.
Data límite para solicitar documentos e información: o día en que finalice o prazo de presentación de proposicións.
7. Requisitos específicos do contratista.
a) Clasificación: non se esixe.
b) Outros: acreditar solvencia económica e técnica.
8. Presentación de ofertas.
a) Data límite: a que resulte de contar 15 días naturais desde o seguinte ó da última publicación deste anuncio, sexa no BOP ou no DOG.
b) Documentación que se vai presentar: a descrita no respectivo prego de condicións económico-administrativas.
c) Lugar de presentación: Concello de Sanxenxo (ver punto 6).
9. Apertura de ofertas.
a) Entidade e domicilio: ver punto 6.
b) Data: no sexto día hábil contado desde o seguinte ó do remate da presentación de ofertas.
c) Hora: 12 horas.
10. Outras informacións.
Criterios de adxudicación: cláusula 13ª do prego respectivo.
11. Gastos de anuncios.
A conta do adxudicatario.
Sanxenxo, 15 de novembro de 2002.
Telmo Martín González
Alcalde