O Decreto 155/1995, do 3 de xuño, establece a regulación do Consello Galego de Medio Ambiente, determinando que serán nomeados como vocais os representantes das organizacións, institucións e departamentos autonómicos relacionados no seu artigo 3, todos eles con especial vinculación coa protección do medio.

Por outra banda o Regulamento de organización e funcionamento do Consello Galego de Medio Ambiente aprobado en pleno o 12 de abril de 1996, establece a posibilidade de cesa-los seus membros por proposta das organizacións, institucións ou autoridades que promoveron o seu nomeamento, debendo presenta-la oportuna proposta de novo nomeamento ó presidente do consello, polo que, solicitado pola Unión Xeral de Traballadores, pola Consellería de Sanidade e pola Consellería de Política Territorial, Obras Públicas e Vivenda o cesamento dos vocais designados, procede acordalo e nomea-los novos representantes propostos.

Por todo isto, en uso da atribución outorgada polo artigo 4 do Decreto 155/1995, do 3 de xuño, polo que se regula o Consello Galego de Medio Ambiente, e tendo en conta que o citado órgano consultivo foi adscrito á Consellería de Medio Ambiente en virtude do Decreto 14/2002, do 24 de xaneiro, polo que se establece a súa estructura orgánica,

DISPOÑO:

Artigo 1º

Que cesen como vocais do Consello Galego de Medio Ambiente en representación das entidades que se citan, agradecéndolles os servicios prestados, as persoas que a continuación se relacionan:

-José Antonio Gómez Gómez como titular e Rosa Arcos Caamaño, como suplente en representación da Unión Xeral de Traballadores (UGT).

-Ángel Gómez Amorín, como titular e Victoria Barbazán Mayo, como suplente, pola área de sanidade pública ambiental.

-Gerardo Pallares Sánchez, como titular pola área ambiental de ordenación do territorio.

Artigo 2º

Designar como vocais do Consello Galego de Medio Ambiente por proposta das organizacións e departamentos autonómicos respectivos e en substitución dos que causan baixa pola presente orde, as persoas que a seguir se relacionan:

-Rosa Arcos Caamaño, como titular e Miguel Ángel Dono Gómez, como suplente, en representación da Unión Xeral de Traballadores (UGT).

-Jesús Luis Saleta Canosa, como titular e Ángel Gómez Amorín, como suplente, pola área de sanidade pública ambiental.

-Antonio López Blanco, como titular, pola área ambiental de ordenación do torritorio.

Santiago de Compostela, 5 de decembro de 2002.

José Carlos del Álamo Jiménez

Conselleiro de Medio Ambiente

CONSELLERÍA DA PRESIDENCIA, RELACIÓNS INSTITUCIONAIS

E ADMINISTRACIÓN PÚBLICA