O Pleno do Concello de Santiago de Compostela, na sesión do 26 de setembro de 2002, aprobou definitivamente o estudio de detalle da parcela 20 do polígono 1 do solo urbanizable programado número 5 (SUP-5) da Choupana, promovido por Inmobiliaria Domínguez Vázquez, S.A.
A aprobación definitiva do citado estudio de detalle supón a modificación puntual do estudio de detalle e proxecto de urbanización do polígono 1 do SUP-5, aprobados definitivamente os días 4 de xuño de 1999 e 29 de maio de 2000, respectivamente.
De conformidade co disposto no artigo 48.2º da Lei do solo de Galicia, publicouse no BOP número 254, o día 6 de novembro de 2002, o texto íntegro da normativa.
Contra o acordo de aprobación definitiva poderase interpoñer directamente recurso contencioso-administrativo ante o Tribunal Superior de Xustiza de Galicia no prazo de dous meses, contados a partir do día seguinte ó da publicación deste anuncio; alternativamente, poderá interpoñerse recurso potestativo de reposición ante o Pleno do concello no prazo dun mes, contado desde a mesma data.
De conformidade co previsto no artigo 107.3º da Lei 30/1992, do 26 de novembro, de réxime xurídico das administracións públicas e do procedemento administrativo común, a normativa urbanística ou ordenanzas reguladoras só poderán impugnarse directamente perante o Tribunal Superior de Xustiza de Galicia, no prazo de dous meses, contados a partir do día seguinte ó da publicación deste anuncio.
Santiago de Compostela, 12 de novembro de 2002.
Xosé A. Sánchez Bugallo
Alcalde