Visto o expediente para outorgamento de autorización administrativa, aprobación do proxecto de
execución e declaración de utilidade pública, en concreto, da instalación eléctrica que a continuación se cita:
Solicitante: Unión Fenosa Distribución, S.A.
Enderezo social: avda. de Arteixo 171, 15007 A Coruña.
Denominación: L.M.T., C.T., R.B.T Laña-Subres.
Situación: Touro.
Características técnicas: liña eléctrica aérea núa de media tensión, a 20 kV, sobre apoios de formigón, e con conductor LA-56, de 370 m de lonxitude, con orixe no apoio nº 5 da liña denominada Portodemouros-Touro, tramo entre C.T. Cornado e C.T. Novefontes e final no C.T. Laña-Subres, que se instalará.
Centro de transformación, tipo intemperie, de 50 kVA, e tensións de 20/0,380-0,220 V, en Laña-Subres, do que parte rede de baixa tensión, sobre apoios de formigón e conductor R.Z. de 335 m de lonxitude, que conecta a rede existente no lugar. No termo municipal de Touro.
O expediente someteuse ós trámites ordenados na Lei 54/1997, do 27 de novembro (BOE nº 285), do sector eléctrico, e no título VII do Real decreto do 1 de decembro (BOE nº 310), sobre autorización de instalacións de enerxía eléctrica.
Vista a Lei 54/1997, do 27 de novembro, e o Real decreto 1955/2000, do 1 de decembro, esta delegación provincial resolve:
Autorizar, aproba-lo proxecto de execución e declarar de utilidade pública, en concreto, as devanditas instalacións, nas que as características se axustarán en tódalas súa partes ás que figuran no anteproxecto e ás condicións técnicas e de seguridade establecidas nos regulamentos de aplicación.
As instalacións executaranse nun prazo non superior a un ano, contado a partir da data desta resolución.
A declaración de utilidade pública leva implícita a necesidade de ocupación dos bens ou de adquisición dos dereitos afectados e implica a urxente ocupación para os efectos do artigo 52 da Lei de expropiación.
Contra esta resolución poderá interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén poderá interpoñer calquera outro recurso que estime pertinente ó seu dereito.
A Coruña, 4 de novembro de 2002.
Jesús Espada Martínez
Delegado provincial da Coruña