De conformidade có disposto polo artigo 59.4º da Lei do 26 de novembro de 1992 (BOE do 27 de novembro), de réxime xurídico das administracións públicas e do procedemento administrativo común, notifícaselle o denunciado cos datos persoais e último enderezo coñecido que se sinala a seguir, a iniciación do correspondente expediente sancionador por infracción á Lei 4/1997, do 25 de xuño, de caza de Galicia, (DOG do 11 de xullo).

Noméase instructora do procedemento a Paloma Quiroga López e secretaria a Marta Joaquín Tersado, funcionarias da Xunta de Galicia. A resolución será acordada polo delegado provincial de Medio Ambiente Natural da Consellería de Medio Ambiente (Decreto 14/2002, do 24 de xaneiro, DOG do 6 de febreiro, polo que se establece a estructura orgánica da Consellería de Medio Ambiente).

O denunciado disporá dun prazo de quince (15) días hábiles, contados a partir do seguinte ó da publicación desta resolución para que poida examina-lo expediente nesta delegación provincial, sita na Ronda da Muralla, nº 70-2º baixo, e presenta-las alegacións e documentos que considere convenientes na súa defensa. Así como para a recusación das persoas designadas como instructora e secretaria en calquera momento da tramitación do procedemento.

O pagamento voluntario porá fin ó expediente. Para efectualo deberá emprega-los impresos normalizados que lle serán facilitados nesta delegación provincial.

Lugo, 16 de outubro de 2002.

Luis González Vázquez

Delegado provincial de Lugo

ANEXO

Expediente.: C-39/2002.

Denunciado.: Manuel Moreira Rodríguez.

DNI: 76318407.

Enderezo: praza Almirante Romay, nº 5-1º esq. A Coruña.

Feitos imputados: non levar consigo durante o exercicio da caza a documentación preceptiva (documento identificativo da súa identidade), aínda sendo titular dela. Feitos constatados o día 8-9-2002, ás 10 h no TECOR LU-10.229 Ribas de Sil. Ribas de Sil. Lugo.

Precepto infrinxido.: 57.4º da Lei 4/1997, de caza de Galicia.

Cualificación da infracción: leve.

Sanción: 60,10 euros.