O Xurado Provincial de Clasificación de Montes Veciñais de Pontevedra, en sesión que tivo lugar o día 27 de maio de 1998, acordou inicia-los trámites para a clasificación, como veciñal en man común, do seguinte monte:
Concello: O Porriño.
Parroquia : Atios.
Nome do monte: Rape.
Cabida: 38.000 m (superficie alegada na solicitude).
Lindes:
Norte e sur: predios particulares.
Leste e oeste: predios particulares e camiño.
Ocupacións: ocupada practicamente na súa totalidade por canteira.
Descrición: o resto non aberto pola canteira poboado por pinus pinaster, acacia ssp. E eucalyptus globulus.
Nome do monte: As Culcas.
Cabida: 2.075 m (superficie alegada na solicitude).
Lindes:
Norte, sur e oeste: predios particulares.
Leste: camiño e predios particulares.
Descrición: amolloado pola comunidade con pedra de cantería. Case despoboado por presentar afloramentos rochosos; presenta unicamente algúns pés de piñeiro illados.
Nome do monte: Roxo.
Cabida: 68.000 m (superficie alegada na solicitude).
Lindes:
Norte, sur e oeste: predios particulares.
Leste: pista e predios particulares.
Servidumes: paso de liña eléctrica.
Ocupacións: cercado sen construcción, vivenda, esplanación para festas asfaltada, caseta almacén, colexio e pavillón deportivo de recente construcción, non recollido en cartografía. Estas ocupacións utilizan a práctica totalidade da superficie da parcela, aparecendo o resto poboado de piñeiro.
Nome do monte: Torreiro da Guía.
Cabida: 5.000 m (superficie alegada na solicitude).
Lindes:
Norte, sur, leste e oeste: camiño.
Ocupacións: área recreativa, centro cultural de Atios, pistas deportivas. Bordeado por muro de pedra.
Nome do monte: Baldío da Guía.
Cabida: 970 m (superficie alegada na solicitude).
Lindes:
Norte, leste e oeste: predios particulares.
Sur: camiño.
Ocupacións: incluída en edificación estremeira.
Nome do monte: Torreiro de Vilafría.
Cabida: 14.000 m (superficie alegada na solicitude).
Lindes:
Norte e oeste: camiño.
Leste e sur: camiño e predios particulares.
Servidumes: atravesada por liñas de alta tensión.
Ocupacións: instalacións recreativas e deportivas, palco de música.
Descrición: unha pequena parte da súa superficie foi xa clasificada a favor desta mesma comunidade.
Nome do monte: Baldío de Vilafría.
Cabida: 5.277 m (superficie alegada na solicitude).
Lindes:
Norte e leste: camiños.
Sur: predio particular e camiño.
Oeste: predios particulares.
Servidumes: atravesada por camiños de servicio e tendido eléctrico.
Descrición: pouco poboado con piñeiros e carballos illados nas proximidades dun regato.
Nome do monte: Costa.
Cabida: 921 m (superficie alegada na solicitude).
Lindes:
Norte e leste: predios particulares.
Sur e oeste: camiño.
Ocupacións: Canteira abandonada, que ocupa practicamente toda a superficie.
Descrición: resto poboado con piñeiros illados.
Nome do monte: Pereiro.
Cabida: 178.000 m (superficie alegada na solicitude). Deles 140.000 m localízanse na parroquia de Atios, o resto da súa superficie sitúase fóra do límite parroquial.
Lindes:
Norte: límite parroquial con Torneiros.
Leste: camiño.
Sur: predios particulares.
Oeste: límite parroquial con Pontellas.
Servidumes: camiño asfaltado.
Ocupacións: vertedoiro, instalacións deportivas e aparcamento, vivendas, chabolas e esplanación.
Descrición: de forma dispersa, grupos de piñeiros illados.
O que se pon en coñecemento de tódolos interesados, para efectos de abrir un período de información dun mes de duración contado a partir do día seguinte á publicación deste anuncio para que se poida examina-lo expediente e aducir durante este tempo o que se considere procedente en relación co monte de referencia, de conformidade co disposto no artigo 11 da Lei 13/1989, do 10 de outubro, de montes veciñais en man común, e no artigo 23.2º do Decreto 260/1992, do 2 de setembro, polo que se aproba a Regulamento para a execución da dita lei.
Pontevedra, 23 de outubro de 2002.
José Antonio López Rodríguez
Presidente do Xurado Provincial de Clasificación de Montes Veciñais en Man Común de Pontevedra