a) Asistencias técnicas.
1. Asistencia técnica para a redacción do proxecto de trazado e construcción incluída cartografía, da obra de acondicionamento da estrada OU-101 Ourense-Maceda. Treito: A Granxa-acceso ó parque tecnolóxico.
Clave: OU/02/003.01.1.
Orzamento: sesenta e seis mil novecentos sesenta e tres euros con vinte céntimos (66.963,20 euros).
Prazo de execución: 16 meses.
2. Asistencia técnica para a redacción do proxecto de trazado e construcción, incluída cartografía da obra de acondicionamento da estrada OU-101 Ourense-Maceda. Treito: acceso ó parque tecnolóxico-Maceda.
Clave: OU/02/003.01.2.
Orzamento: cento quince mil oitocentos un euros con setenta e seis céntimos (115.801,76 euros).
Prazo de execución: 16 meses.
Solicitaranse os medios de acreditación da personalidade xurídica e capacidade previstos no artigo 15 do texto refundido da Lei de contratos das administracións públicas.
A solvencia económica e financeira e a solvencia técnica ou profesional acreditarase segundo se especifica no cadro de características do prego de prescricións técnicas particulares, de conformidade co disposto nos artigos 16 e 19 do Real decreto lexislativo 2/2000, do 16 de xuño, polo que se aproba o texto refundido da Lei de contratos das administracións públicas.
(Declaradas urxentes consonte o artigo 71 do Real decreto lexislativo 2/2000, do 16 de xuño, polo que se aproba o texto refundido da Lei de contratos das administracións públicas).
b) Documentos de interese para os licitadores.
Os pregos de cláusulas administrativas particulares, así como o prego de prescricións técnicas estarán de manifesto e á disposición dos concursantes, para o seu exame, durante o prazo de presentación das proposicións, os días e horas hábiles de oficina, na Dirección Xeral de Obras Públicas da Consellería de Política Territorial, Obras Públicas e Vivenda; edificios administrativos de San Caetano, Santiago de Compostela. Teléfono 981 54 49 86.
Tamén se poderán obte-los pregos relativos a esta contratación no seguinte enderezo da Internet:
http://www.xunta.es/contratación/
E en Copy Estudio, rúa Nova de Abaixo nº 19-21, teléfono 981 59 33 85.
c) Garantías que se lles esixen ós licitadores.
Esixirase unha garantía definitiva equivalente ó 4% do orzamento de adxudicación.
A garantía poderá ser presentada na modalidade e polas persoas ou entidades que especifica a lexislación española vixente.
d) Modelo de proposición.
Proposición económica formulada estrictamente conforme o modelo que se xunta ó prego de cláusulas administrativas particulares.
e) Prazo e lugar para a presentación de proposicións.
As proposicións deberán de presentarse en sobre pechado no rexistro xeral da Consellería de Política Territorial, Obras Públicas e Vivenda, ou envialas por correo dentro do prazo de admisión sinalado conforme o disposto no artigo 80 do Real decreto 1098/2001, do 12 de outubro, polo que se aproba o Regulamento xeral da Lei de contratos das administracións públicas.
O prazo de admisión das proposicións rematará ás doce horas do décimo terceiro día natural, que non coincida en sábado, domingo ou festivo, seguinte ó da publicación deste anuncio no Diario Oficial de Galicia.
f) Apertura das proposicións.
A apertura das proposicións será realizada pola mesa de contratación ás once horas do décimo día natural, que non coincida en sábado, domingo ou
festivo, contado a partir do último día de presentación de proposicións, na sala de xuntas da Consellería de Política Territorial, Obras Públicas e Vivenda.
O prazo durante o cal o licitador está obrigado a mante-la súa oferta é de 3 meses desde a apertura das proposicións.
g) Outras informacións.
A mesa de contratación comprobará en acto previo a documentación xeral (sobre A), segundo se especifica no punto 2.2.6 Constitución e funcionamento da mesa, do prego de cláusulas administrativas particulares.
h) Variantes: segundo o especificado no cadro de características do prego de prescricións técnicas.
i) Documentos que deben presenta-los licitadores.
Os que figuran no prego de cláusulas administrativas particulares.
O importe deste anuncio será por conta dos adxudicatarios.
Santiago de Compostela, 25 de novembro de 2002.
P.D.(Orde do 13-12-1993)
José Antonio Fernández Vázquez
Secretario xeral da Consellería de Política Territorial,
Obras Públicas e Vivenda