Por acordo do Pleno Municipal do 11 de novembro de 2002 foron aprobados os pregos de cláusulas administrativas particulares e prego de prescricións técnicas que rexerán o concurso para a contratación en réxime de concesión dos servicios de limpeza viaria, recolla e transporte de RSU orgánicos, envases, limpeza e mantemento de xardíns e zonas verdes e explotación do vertedoiro de residuos da construcción e punto limpo, dispoñendo a súa exposición ó público durante o prazo de oito días de conformidade co artigo 122 do R.D. lexislativo 781/1986,

do 18 de abril, publicándose de modo simultáneo a licitación, ben que se adiará no caso de formularse reclamacións contra os referidos pregos.

Así mesmo, de conformidade co disposto no artigo 155 do R.D.L. 2/2000, do 16 de xuño, do texto refundido da Lei de contratos das administracións públicas, faise pública a licitación da concesión referida:

1º Obxecto: contratación en réxime de concesión dos servicios de limpeza viaria, recolla e transporte de RSU orgánicos, envases, limpeza e mantemento de xardíns e zonas verdes e explotación do vertedoiro de residuos da construcción e punto limpo.

2º Tramitación: ordinaria.

3º Procedemento: aberto.

4º Sistema de adxudicación: concurso.

5º Prezo e financiamento:

a) Canon polos servicios de recolla e traslado de residuos orgánicos, limpeza viaria, xardinería e xestión do punto limpo, un máximo anual de cincocentos once mil euros (511.000 A) IVE incluído.

b) Canon polo servicio de recolla e traslado de residuos de envases: cantidades fixadas por kg no acordo marco Xunta de Galicia-Ecoembés para o Concello de Ribadeo.

c) Canon pola xestión do servicio de depósito de inertes: 9,42 euros/tm. Segundo ordenanza reguladora da taxa do vertedoiro, con cargo á partida orzamentaria 442.227.

6º Prazo de concesión: 25 anos para a xeneralidade dos servicios coas reservas para o servicio de recolla e traslado de envases, que se iniciará a partir do 8 de maio de 2003.

7º Fianza provisional: 3.000 euros.

8º Fianza definitiva: 30.000 euros.

9º Presentación de ofertas: durante os 15 días naturais seguintes ó da publicación deste anuncio no DOG, presentándoas no rexistro do concello ou remitíndoas por correo, comunicándoo, neste caso, mediante telegrama ou fax.

O prego de condicións económico administrativas particulares e de prescricións técnicas está á disposición de tódolos contratistas interesados nas oficinas xerais do Concello de Ribadeo, praza de España nº 1, 27700 Ribadeo, Lugo, tfno. 982 12 86 50, fax 982 13 09 75, horario de atención ó público de 9 a 14 horas, de luns a venres.

10º Modelo de proposición: segundo o prego de condicións económico-administrativas.

11º Apertura de proposicións: realizaraa a mesa de contratación en acto público, segundo o prego de condicións dentro dos 10 días seguintes ó do

remate da presentación de ofertas e logo de convocatoria ós licitadores.

Ribadeo, 13 de novembro de 2002.

José Carlos Rodríguez Andina

Alcalde