Por resolución do rectorado desta universidade do 12 de setembro de 2002 (DOG do 3 de outubro/BOE do 7 de outubro) convocáronse probas selectivas para a provisión dunha praza de técnico superior de microscopía electrónica, vacante no cadro de persoal laboral desta universidade.
Rematado o prazo de presentación de solicitudes e de conformidade co establecido no artigo 12 do Decreto 95/1991, do 20 de marzo (DOG do 25 de marzo), polo que se aproba o Regulamento de selección de persoal da Administración da Comunidade Autónoma de Galicia, e no artigo 20 do Real decreto 364/1995, do 10 de marzo (BOE do 10 de abril), este rectorado
RESOLVEU:
Primeiro.-Declarar aprobada e facer pública a relación provisional de aspirantes admitidos e excluídos, con expresión da causa de exclusión, ás citadas probas. A lista completa de aspirantes figurará exposta no taboleiro de anuncios do rectorado (rúa Oporto, nº 1, Vigo) e nos rexistros dos campus de Ourense (unidade administrativa, Campus As Lagoas s/n, Ourense), Pontevedra (Facultade de Ciencias Sociais, Campus A Xunqueira s/n, Pontevedra) e As La-
goas-Marcosende (CACTI, Campus As Lagoas-Marcosende, Vigo).
Segundo.-De conformidade coa base 4.1 da Resolución do 12 de setembro de 2002, os aspirantes excluídos e os omitidos, por non figurar na lista de admitidos nin na de excluídos, disporán dun prazo de dez días hábiles, contados a partir do día seguinte ó da publicación desta resolución no Diario Oficial de Galicia, para emenda-los defectos que motivasen a súa exclusión ou omisión.
Os aspirantes que, dentro do prazo sinalado, non emenden a exclusión ou aleguen a omisión, xustificando o seu dereito a seren incluídos na relación de admitidos, quedarán definitivamente excluídos da realización das probas.
Vigo, 6 de novembro de 2002.
Domingo Docampo Amoedo
Rector da Universidade de Vigo