Aprobado con carácter inicial pola Comisión de Goberno, en sesión ordinaria do día 10 de outubro de 2002, o proxecto de urbanización presentado e promovido polo Concello de Santa Comba para a urbanización da rúa Bispo García Pardiñas desta localidade, redactado polo enxeñeiro de camiños, Ángel Delgado Cid, ó abeiro do artigo 44.3º da Lei 1/1997, do 24 de marzo, do solo de Galicia, e 141 do Regulamento de planeamento urbanístico, sométese a información pública esta aprobación inicial para efectos da presentación de alegacións,

mediante anuncio publicado no Diario Oficial de Galicia e nun xornal dos de maior tirada da provincia, durante o prazo dun mes, que comezará a contarse desde o día seguinte ó da publicación no Diario Oficial de Galicia.

Santa Comba, 14 de outubro de 2002.

José Toja Parajó

Alcalde-presidente