Nº de expediente: 1993/079.
Aprobación definitiva: acordo plenario do 27 de setembro de 2002.
Trámite: publicación.
Norma reguladora: artigo 48 da Lei do solo de Galicia e artigo 70.2º da Lei 7/1985.
O Pleno do Concello de Nigrán aprobou definitivamente, en virtude da delegación prevista na Lei 7/1995, a citada modificación das normas subsidiarias de planeamento, coa emenda de introducir na normativa a seguinte disposición: «o uso hoteleiro autorízase unicamente na zona 3 e no volume suficiente para a creación de 150 prazas hoteleiras, distribuídas nun ou máis sólidos». En consecuencia, suprimiranse do documentos as referencias ó uso hoteleiro na zona 1.
A citada resolución pon fin á vía administrativa, polo que, contra ela cabe interpoñer recurso contencioso-administrativo perante a Sala do Contencioso-Administrativo do Tribunal Superior de Xustiza de Galicia, no prazo de dous meses contados desde a publicación deste anuncio, todo isto sen prexuízo de que poida exercer, se é o caso, calquera outro recurso que se considere procedente.
Nigrán, 22 de outubro de 2002.
José Manuel Rial Cadaval
Alcalde