Para os efectos previstos na Lei 54/1997, do 27 de novembro (BOE nº 285), do sector eléctrico, e

no título VII do Real decreto 1955/2000, do 1 de decembro (BOE nº 310), sobre autorización de instalacións de enerxía eléctrica, sométese a información pública a petición de autorización administrativa e a aprobación do proxecto de execución da instalación eléctrica que se cita:

Solicitante: Unión Fenosa Distribución, S.A.

Domicilio social: avda. de Arteixo 171, 15007 A Coruña.

Denominación: variante L.A.T. 132 kV Cornido, Santa Mariña.

Situación: Narón.

Descricións técnicas: variante de liña eléctrica aérea de alta tensión, 132 kV entre os apoios nº 13 e nº 18, consistente en:

-Varia-la traza da liña de dobre circuíto, implantando os apoios metálicos números 14A, 15A, 16A e 17A, e unha lonxitude de liña de 552 m, en conductor LA-180, coa orixe no apoio nº 13 e final no apoio nº 18. Concello de Narón.

Todas aquelas persoas ou entidades que se consideren afectadas poderán examina-lo expediente e presenta-las súas alegacións nesta delegación provincial, sita no edificio administrativo de Monelos, s/n, 15071 A Coruña, no prazo de vinte días, a partir da última publicación.

A Coruña, 3 de outubro de 2002.

Jesús Espada Martínez

Delegado provincial da Coruña