Visto o expediente para outorgamento de autorización administrativa e aprobación do proxecto de execución da instalación eléctrica que a continuación se cita.

Solicitante: Unión Fenosa Distribución, S.A.

Domicilio social: avda. de Arteixo, 171, 15007 A Coruña.

Denominación: L.M.T.S. Mera-Mera igrexa. Modificado.

Situación: Oleiros.

Descricións técnicas: modificado o proxecto denominado L.M.T.S. Mera-Mera igrexa e C.T., substituíndo treito subterráneo que discorría desde a esquina rúa de Cividáns con rúa de Lamalonga e esta, ata esquina con rúa de Curros Enríquez, pasando agora á rúa de Cividáns-paseo marítimo coa esquina á rúa Curros Enríquez. Implantación baixo tubo e con conductor R.H.V. 12/20 kV de 3(1x240) mm Al de 1.050 m de lonxitude na súa totalidade, non modificando o resto das instalacións proxectadas inicialmente. Concello de Oleiros.

Cumpridos os trámites ordenados na Lei 54/1997, do 27 de novembro, do sector eléctrico (BOE nº 285), e no título VII, capítulo II, do Real decreto 1955/2000, do 1 de decembro (BOE nº 310), sobre autorización de instalacións de enerxía eléctrica, esta delegación provincial resolve:

Autorizar e aproba-lo proxecto de execución das devanditas instalacións, das que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación.

As instalacións executaranse nun prazo non superior a seis meses, contados a partir da data desta resolución.

Contra a presente resolución poderase interpoñer recurso de alzada ante o conselleiro de Industria e Comercio no prazo dun mes contado a partir do día seguinte ó da notificación desta resolución; tamén se poderá interpoñer calquera outro recurso que se estime pertinente.

A Coruña, 17 de setembro de 2002.

Jesús Espada Martínez

Delegado provincial da Coruña