Autorizada pola Secretaría Xeral da Consellería de Asuntos Sociais, esta institución benéfica vai proceder á venda en pública poxa do seguinte predio.
Casa sinalada co nº 81 no lugar de Río, no porto do Seixo, parroquia de Franza, concello de Mugardos, composto de planta baixa e piso xunto cun anaco de terreo situado ás súas costas cun casal, todo pechado de muralla, que ocupa un soar de 116 metros cadrados, correspondéndolle á casa 70 metros cadrados.
A poxa terá lugar no Salón de Cabidos Xerais do Santo Hospital de Caridade, ás 12 horas do vindeiro 7 de novembro de 2002.
O prego de condicións reguladoras desta poxa e as especificacións complementarias están á disposición dos posibles licitadores nas oficinas administrativas do devandito hospital, 10 a 14 horas, tódolos días ata o anterior a realización da dita poxa.
Ferrol, 19 de setembro de 2002.
Gerardo González-Cela Pardo
Irmán maior