Para os efectos previstos na Lei 54/1997, do 27 de novembro (BOE nº 285), do sector eléctrico, e no título VII do Real decreto 1955/2000, do 1 de decembro (BOE nº 310), sobre autorización de instalacións de enerxía eléctrica, sométese a información pública a petición de autorización administrativa e a aprobación do proxecto de execución da instalación eléctrica que se cita:
Solicitante: Unión Fenosa Distribución, S.A.
Domicilio social: avda. de Arteixo, 171, 15007 A Coruña.
Denominación: recuamento L.M.T. Ponte Pasaxe-CR C.S. Juan Canalejo (expediente 29474).
Situación: A Coruña.
Descricións técnicas: recuamento da liña eléctrica aérea de media tensión a 15/20 kV chamada Ponte Pasaxe-CR C.S. Juan Canalejo no futuro laboratorio de microbioloxía e final na mesma liña na unidade de servicios administrativos, de 180 m de lonxitude e conductor R.H.V.-240 mm Al. Concello da Coruña.
Todas aquelas persoas ou entidades que se consideren afectadas poderán examina-lo expediente e presenta-las súas alegacións nesta delegación provincial, sita no edificio administrativo de Monelos, s/n, 15071 A Coruña, no prazo de vinte días, a partir da última publicación.
A Coruña, 13 de setembro de 2002.
Jesús Espada Martínez
Delegado provincial da Coruña