Rematado o prazo de presentación de reclamacións ás puntuacións provisionais, publicadas o día 9 de setembro de 2002 no taboleiro de anuncios da Consellería de Educación e Ordenación Universitaria e das delegacións provinciais (DOG do 9 de setembro) e resoltas as reclamacións, procede darlle publicidade ó baremo definitivo.
En consecuencia, esta dirección xeral
RESOLVE:
Primeiro.-Facer público na Consellería de Educación e Ordenación Universitaria e nas delegacións provinciais a partir do 21 de outubro de 2002 as puntuacións definitivas do baremo para prazas de interinidades e substitucións en especialidades do corpo de profesores de música e artes escénicas nas especialidades de piano, contrabaixo e gaita galega.
Contra estas puntuacións definitivas poderá interpoñerse recurso de alzada, no prazo dun mes, contado desde o día seguinte ó da súa publicación, ante o conselleiro de Educación e Ordenación Universitaria.
Santiago de Compostela, 4 de outubro de 2002.
Severino Somoza Gómez
Director xeral de Persoal