O Xurado Provincial de Clasificación de Montes Veciñais de Pontevedra, en sesión que tivo lugar o día 8 de febreiro de 2002, acordou inicia-los trámites para a clasificación, como veciñal en man común, do seguinte monte:

Concello: Salvaterra de Miño.

Parroquia: Porto.

Nome do monte: Lugar da Igrexa.

Cabida: 1.053 m. (Superficie alegada na solicitude).

Lindes:

Norte, leste e oeste: predios particulares, muro por medio.

Sur: camiño de servicio.

Servidumes e ocupacións: no muro correspondente ó límite N atópase practicada unha porta de acceso aínda que non hai senda trazada na parcela.

Lindantes:

Norte, leste e oeste: José Naval Troncoso.

Descrición: o estado da parcela é raso con chan moi escaso sobre graveira. Existen mollóns non labrados nas extremas de cada liña. Atópase fincada a construcción dun muro no límite sur, separando do camiño de servicio.

O que se pon en coñecemento de tódolos interesados, para efectos de abrir un período de información dun mes de duración contado a partir do día seguinte a publicación deste anuncio para que se poida examina-lo expediente e aducir durante este tempo o que se estime procedente en relación cos montes de referencia, de conformidade co disposto no artigo 11 da Lei 13/1989, do 10 de outubro, de montes veciñais en man común, e no artigo 23.2º do Decreto 260/1992, do 4 de setembro, polo que se aproba o Regulamento para a execución da dita lei.

Pontevedra, 22 de xullo de 2002.

José Antonio López Rodríguez

Presidente do Xurado Provincial de Clasificación

de Montes Veciñais en Man Común de Pontevedra