Coa finalidade de satisface-la crecente necesidade social de coñece-los idiomas europeos e os cooficiais do Estado español, créase polo Decreto 126/1988, do 5 de maio (DOG do 27 de maio), a Escola Oficial de Idiomas de Vigo (Pontevedra) e pola Orde do 9 de xuño de 1988 (DOG do 7 de xullo) autorízase a posta en funcionamento.
Examinado o expediente promovido pola dirección da mencionada escola, polo que solicita a implantación das ensinanzas do idioma castelán, así como os correspondentes informes, e tendo en conta a demanda existente, esta consellería, de conformi
dade co establecido no artigo 1 do Decreto 213/1998, do 10 de xullo (DOG do 23 de xullo) e por proposta da Dirección Xeral de Centros e Inspección Educativa,
DISPÓN:
Primeiro.-Autoriza-la Escola Oficial de Idiomas de Vigo (Pontevedra) a imparti-las ensinanzas correspondentes ó idioma castelán. As ditas ensinanzas implantaranse progresivamente, iniciando o 1º curso no 2002-2003, quedando a configuración do dito centro segundo figura no anexo.
Segundo.-Autoriza-la Dirección Xeral de Centros e Inspección Educativa para adopta-las medidas precisas para a execución da presente orde.
Santiago de Compostela, 23 de xullo de 2002.
Celso Currás Fernández
Conselleiro de Educación e Ordenación Universitaria
ANEXO
Provincia: Pontevedra.
Concello: Vigo.
Localidade: Vigo.
Denominación: Escola Oficial de Idiomas de Vigo.
Código: 36018941.
Idiomas: alemán, castelán, francés, galego, inglés, italiano e portugués.