Aprobado o expediente de contratación que a seguir se identifica, mediante Resolución do 6 de setembro de 2002, procédese agora a efectua-lo anuncio de licitación.
A presente resolución constitúe acto de trámite para os efectos do parágrafo segundo do artigo 107, da Lei 30/1992, do 26 de novembro, modificada pola Lei 4/1999, do 13 de xaneiro.
1. Entidade adxudicadora.
A Xunta de Galicia por medio da súa Secretaría Xeral para o Deporte.
2. Obxecto do contrato.
Contrato privado de seguro (póliza), que terá por obxecto garanti-la asistencia sanitaria no caso de accidente deportivo motivado polo feito ou con ocasión do exercicio da actividade deportiva e as indemnizacións por perdas anatómicas ou funcionais.
a) Período de vixencia: do 1 de outubro de 2002 ata o 15 de setembro de 2003, ámbolos dous inclusive.
b) Orzamento de licitación: cento dezaoito mil cento trinta e catro euros con setenta e dous céntimos (118.134,72 A), co detalle por anualidades consignado na cláusula segunda, punto 2.3, do prego de cláusulas administrativas particulares.
c) Prima individual anual e máxima: dous euros con vinteseis céntimos (2,26 A).
d) Número aproximado do colectivo que hai que asegurar: cincuenta e dous mil douscentos setenta e dous (52.272) deportistas.
3. Requisitos do asegurador.
a) Acreditación da solvencia técnica ou profesional: mediante os documentos e medios de proba que enumera o artigo 19 do texto refundido da Lei de contratos das administracións públicas, aprobado polo Real decreto lexislativo 2/2000, do 16 de xuño (BOE do 21 de xuño).
Sinaladamente, o licitador xuntará:
Relación dos principais servicios ou traballos realizados nos últimos tres anos, que inclúan importes, datas e beneficiarios públicos ou privados deles.
Cadro dos servicios médicos hospitalarios e extrahospitalarios cos que conta para a prestación dos servicios de asistencia sanitaria ós que se refire o obxecto, parcial, do contrato que se pretende.
b) Outros requisitos: tódolos consignados na cláusula terceira, punto 3.4 do prego de cláusulas administrativas particulares.
4. Garantía provisional e definitiva.
Prestarase en calquera das formas admisibles, por importe do 2 do orzamento de licitación (2.362,69 A), e posteriormente, garantía definitiva por un importe do 4% do orzamento de adxudicación.
5. Obtención de documentación e información.
No Servicio de Coordinación Deportiva da Secretaría Xeral para o Deporte. (Estadio Multiusos de San Lázaro, s/n, Santiago de Compostela. Teléfono: 981 54 26 19. Fax: 981 54 26 38).
Os pregos de cláusulas administrativas particulares e prescricións técnicas poderán ser consultados na rede Internet (www.xunta.es/contratación).
6. Presentación de ofertas.
a) Data límite: ás 14 horas do décimo quinto (15) día natural posterior á publicación da presente resolución no Diario Oficial de Galicia.
b) Documentación que se presentará: a requerida pola prego de cláusulas administrativas particulares.
c) Lugar de presentación: o rexistro de documentos da Secretaría Xeral para o Deporte (estadio multiusos, San Lázaro, 15890 Santiago de Compostela. Fax: 981 54 26 38), ou de acordo co previsto na cláusula terceira, punto 3.3º, do prego de cláusulas administrativas particulares.
d) Admisión de variantes: admisibles, sempre que non comporten modificación do obxecto mínimo do contrato.
7. Apertura de ofertas.
Levarase a cabo ás 9.30 horas do cuarto día hábil seguinte ó de remate do prazo de presentación de ofertas, que non sexa sábado, na sala de xuntas da Secretaría Xeral para o Deporte (estadio multiusos, San Lázaro, 15890 Santiago de Compostela).
8. Gastos de anuncios.
Será por conta do adxudicatario o custo da publicación da presente resolución no Diario Oficial de Galicia e, se é o caso, da inserción do seu extracto nos medios de comunicación escrita.
Santiago de Compostela, 9 de setembro de 2002.
P.D. (Orde 11-1-2002)
Eduardo Lamas Sánchez
Secretario xeral para o Deporte
