Autorizado polo acordo desta dirección xeral, con data do 27 de xuño de 2002, o alleamento en pública poxa dos bens embargados no procedemento de constrinximento pola Zona de Recadación de Lugo como da propiedade do debedor Lugo Edificaciones Metropol, S.L., con NIF B-2721543, que a continuación se describe:

-Lote 1:

Predio 65955, tomo 1109, libro 670, folio 59 inscrito no Rexistro da Propiedade de Lugo. Urbano. Local de semisoto, da casa en construcción 142, da rúa Santiago, da cidade de Lugo. Ocupa a superficie útil aproximada de 454,73 m; e mirando desde a rúa Santiago, os seus lindeiros son: fronte, rúa Santiago; costas, terreo do propio edificio destinado ó xardín e ás instalacións de recreo das vivendas deste, con acceso a través deste predio, e en parte co señor Méndez; dereita, rúa de nova apertura; e esquerda de Albano Teixeira Correira.

Valor: 92.628,50 A.

Cargas: 48.927,72 A.

Tipo: 43.700,78 A.

-Lote 2:

Predio 65957, tomo 1109, libro 670, folio 60, inscrita no Rexistro de Propiedade de Lugo. Urbano 3. Local dereita do portal nº 1, situado en parte da planta baixa da casa en construcción, nº 142 da rúa Santiago da cidade de Lugo. Ocupa a superficie útil aproximada de 144,80 m; e mirándoa desde a rúa Santiago, desde a que ten o seu acceso, linda: fronte, rúa Santiago; costas señor Méndez e terreo do propio edificio destinado ó xardín e ás insta

lacións de recreo; dereita, rúa de nova apertura; e esquerda, o portal e as escaleiras nº 1 do edificio e local da esquerda do referido portal.

Valor: 44.091,60 A.

Cargas: 42.630,20 A.

Tipo: 1.461,40 A.

-Lote 3:

Predio 65961, tomo 1109, libro 670, folio 62 inscrito no Rexistro de Propiedade de Lugo. Urbano 5. Local da dereita do portal nº 2, situado en parte da planta baixa, da casa en construcción nº 142 da rúa Santiago da cidade de Lugo. Ocupa a superficie útil aproximada de 169,03 m; e mirándoa desde a rúa Santiago, linda: fronte, rúa Santiago; costas, terreo do propio edificio destinado ó xardín e as instalacións de recreo das vivendas; dereita, local da esquerda do portal nº 1 do propio edificio, predio nº 4; esquerda, o portal e as escaleiras nº 2 do edificio e local da esquerda, portal e escaleiras.

Valor: 51.469,64 A.

Cargas: 37.989,30 A.

Tipo: 13.480,34 A.

-Lote 4:

Predio 65959, tomo 1109, libro 670, folio 61 inscrito no Rexistro de Propiedade de Lugo. Urbano 4. Local da esquerda do portal nº 1, situado en parte da planta baixa da casa en construcción, nº 142 da rúa Santiago da cidade de Lugo. Ocupa a superficie útil aproximada de 126,81 m; e mirándoa desde a rúa Santiago, linda: fronte, rúa Santiago; costas, terreo do propio edificio destinado ó xardín e as instalacións de recreo; dereita, o portal e as escaleiras nº 1 e local da dereita do referido portal; esquerda, local da dereita do portal nº 2.

Valor: 38.613,65 A.

Cargas: 37.989,30 A.

Tipo: 624,35 A.

De conformidade coa competencia atribuída polo artigo 7.1º f) do Decreto 51/2000, do 25 de febreiro, polo que se establece a organización recadatoria da Xunta de Galicia e o Estatuto dos recadadores de zona,

DISPOÑO:

Que o día 24 de setembro de 2002, ás 10 horas, na sala de xuntas da Delegación Territorial da Consellería de Economía e Facenda de Lugo, rúa Ronda da Muralla nº 70, baixo a presidencia do delegado territorial da Consellería de Economía e Facenda de Lugo, teña lugar a dita poxa.

Así mesmo, e en cumprimento do disposto no artigo 146 do Regulamento xeral de recadación, faise consta-lo seguinte:

1. Que consta en poder da Zona de Recadación de Lugo o expediente de constrinximento no que

consta a titularidade dos bens poxados e o estado das súas cargas e gravames, onde poden ser examinados, debendo conformarse con eles, sen ter dereito a esixir outros, e que as cargas e gravames subsistentes, se os houbese, ó crédito dos executantes, continuarán subsistindo, entendéndose que o rematante os acepta e queda subrogado nas súas responsabilidades, sen destinarse á súa extinción o prezo do remate.

2. Que a poxa se suspenderá en calquera momento anterior á adxudicación de bens, se se fai o pagamento da débeda, xuros e custas do procedemento.

3. Os licitadores poderán enviar ou presenta-las súas ofertas en sobre pechado desde o anuncio de poxa ata unha hora antes do comezo desta, sen prexuízo de que poidan participar persoalmente na licitación con ofertas superiores á do sobre. As ditas ofertas, que terán o carácter de máximas, serán rexistradas no rexistro da Delegación Territorial da Consellería de Economía e Facenda de Lugo, e deberán ir acompañadas de cheque conformado, estendido a favor do Tesouro da Facenda Pública de Galicia polo importe do depósito.

4. Que todo licitador deberá constituír ante a mesa de poxa o preceptivo depósito de garantía, que será polo menos do 20 por 100 do tipo daquela, coa advertencia de que o dito depósito se ingresará en firme no Tesouro se os adxudicatarios non satisfán o prezo do remate, sen prexuízo das responsabilidades en que incorrerán polos maiores prexuízos que sobre o importe orixine a inefectividade da adxudicación.

5. No caso de que non resulten adxudicados os bens nunha primeira licitación, a mesa de poxa poderá realizar unha segunda licitación, se o xulga procedente, fixando o novo tipo de poxa no 75% do importe da primeira licitación, ou ben anunciará a iniciación do trámite de adxudicación directa, que se levará a cabo de acordo co artigo 150 do Regulamento xeral de recadación.

6. Que o rematante ten a obriga de entregar no acto da adxudicación ou dentro dos cinco días seguintes, a diferencia entre o depósito constituído e o prezo de adxudicación.

7. Se quedasen bens sen adxudicar, iniciarase o trámite de adxudicación directa, por un prazo máximo de seis meses, podéndose presentar ofertas en sobre pechado, a partir dese momento, á mesa de poxa.

A mesa de poxa abrirá as ofertas presentadas ó remate do prazo do mes desde o seu inicio, podendo proceder á adxudicación dos bens se algunha delas se considera suficiente nese momento. En caso contrario, anunciarase a extensión dun mes máis para a presentación de novas ofertas, ou mellora das xa existentes, sen prexuízo da validez das ofertas presentadas ata ese momento, e así sucesivamente co límite total de seis meses.

O prezo mínimo de adxudicación directa será o tipo de poxa en primeira licitación cando non se considerase procedente realizar unha segunda licitación; se existira segunda licitación non haberá prezo mínimo.

8. A Consellería de Economía e Facenda reserva para si o dereito de pedi-la adxudicación para a Comunidade Autónoma de Galicia, do ben que non fora obxecto de venda, conforme o establecido no artigo 158 do Regulamento xeral de recadación.

9. O procedemento de constrinximento soamente se suspenderá nos termos e condicións sinalados nos artigos 135 e 136 da Lei xeral tributaria e 101 do Regulamento xeral de recadación.

En todo o non previsto neste anuncio haberá que aterse ó preceptuado nas disposicións legais que regulen o acto.

Santiago de Compostela, 30 de xullo de 2002.

María Casais Mira

Directora xeral de Tributos