Aprobado inicialmente pola Comisión de Goberno, en sesión do 22 de agosto do ano en curso, o estudio de detalle nº 8 das normas subsidiarias de planeamento do concello de Vilanova de Arousa, en cumprimento do disposto no artigo 44.3º da Lei do solo de Galicia, queda exposto ó público o expediente nas oficinas municipais, polo prazo dun mes, durante o que poderá ser examinado e formularse contra el cantas observacións ou reclamacións se coiden oportunas.

Insírese este edicto no DOG, no BOP e nun xornal dos de maior tirada de Galicia. O período para exame e presentación de reclamacións iniciarase en todo caso a partir do día seguinte ó da súa inserción no último dos anuncios que se publique.

Vilanova de Arousa, 23 de agosto de 2002.

Gonzalo Durán Hermida

Alcalde