Outorgada a declaración de utilidade pública que leva implícita a urxente ocupación dos bens e dereitos afectados polas instalacións da liña eléctrica aérea a 15/20 kV, de 470 m de lonxitude de Ventosa a San Mamede, no termo municipal de Paderne, e de 1.386 m de lonxitude de Morgade a Central Pías, no termo municipal de Irixoa (expediente 372/2001), por resolución desta delegación provincial de data 11 de abril de 2002, a favor da entidade beneficiaria Unión Fenosa Distribución, S.A., con enderezo na avenida de Arteixo, nº 171, 15007 A Coruña, esta delegación
ACORDA:
Sinala-los días 24 e 25 de setembro de 2002 para o levantamento das actas previas á ocupación, de conformidade cos artigos 52 da Lei de expropiación forzosa do 16 de decembro de 1954 e 56 do seu Regulamento do 26 de abril de 1957, nas que se describirán os bens ou dereitos expropiables e de imposición de servidume de paso de enerxía eléctrica, contidos na relación de predios que se expón xunto con esta resolución nos taboleiros de edictos dos concellos de Paderne e Irixoa, deducida da que se someteu a información pública no DOG, BOP e no xornal El Ideal Gallego de datas 28 de novembro,
12 de novembro e 26 de outubro de 2001, respectivamente, acto ó que deberán concorre-los propietarios propostos dos predios afectados, ós que se lles practicará notificación individual sinalándolle-los os horarios de toma de datos sobre o terreo e do levantamento efectivo das actas nas oficinas das referidas casas dos concellos.
Esta publicación realizarase igualmente para os efectos do artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, cando os titulares dos predios propostos sexan descoñecidos ou se ignore o lugar de notificación e, así, dirixirlle ó Ministerio Fiscal as dilixencias que se produzan destes, de conformidade co artigo 5 da citada Lei de expropiación forzosa.
A Coruña, 17 de xullo de 2002.
Jesús Espada Martínez
Delegado provincial da Coruña