Aprobación definitiva da modificación puntual das normas subsidiarias de planeamento municipal, en soar situado entre a rúa de Madrid e a baixada á praia de Lavapanos-Sanxenxo.
A Corporación Municipal en Pleno, en sesión que tivo lugar o día 18 de xuño de 2002, acordou prestar aprobación definitiva ó expediente de modificación puntual das normas subsidiarias de planeamento, para soar sito entre a rúa de Madrid e baixada á praia de Lavapanos da vila de Sanxenxo.
A modificación puntual aprobada ten por obxecto modifica-las aliñacións, rasantes e volume edificable no soar, ampliando a rúa de acceso á praia de Lavapanos, que pasará de 6 a 9 metros de largo, e non produce incremento na edificabilidade máxima no soar obxecto do proxecto.
O que se fai público para os efectos determinados no artigo 48 da Lei 1/1997, do 24 de marzo, do solo de Galicia.
Contra a presente resolución que é definitiva en vía administrativa, poderase interpoñe-los recursos que seguen:
a) Potestativo de reposición ante o mesmo órgano que resolveu o acto administrativo recorrido, polo prazo dun mes a partir do día seguinte ó da publicación deste anuncio, computado na forma prevista no artigo 48 da Lei 30/1992, segundo redacción dada pola Lei 4/1999.
b) Contencioso-administrativo, no prazo de dous meses contados desde o día seguinte ó da presente publicación, ante o Tribunal Superior de Xustiza de Galicia. Nembargantes, interposto o recurso de reposición, non se poderá interpoñer recurso contencioso-administrativo ata que sexa resolto expresamente o primeiro, ou se produza a súa desestimación presunta por transcurso do prazo máximo dun mes para dictar e notifica-la resolución.
c) Calquera outro recurso que estime oportuno e sexa procedente interpor.
Sanxenxo, 16 de xullo de 2002.
Telmo Martín González
Alcalde