1. Entidade adxudicadora: Concello de Moraña. Expediente número 9/2002.

2. Obxecto do contrato: execución das obras do proxecto de urbanización polígono industrial Mirallos.

3. Forma de adxudicación: concurso, polo procedemento aberto e tramitación ordinaria.

4. Orzamento base de licitación: 79.886,53 euros.

5. Garantía provisional: 1.597,73 euros. Garantía definitiva: 4% do importe da adxudicación.

6. Presentación de ofertas: no rexistro xeral da secretaría do Concello de Moraña, en horario de 9 a 14 horas, no prazo de vinteseis días naturais a partir da publicación no Diario Oficial de Galicia, (se o último día coincidise en sábado, trasladarase ó primeiro día hábil).

7. Modelo de proposición: a oferta, xunto coa restante documentación esixible no prego de cláusulas administrativas, presentarase conforme o seguinte modelo:

«D..., con DNI núm..., expedido en ..., con data ..., en nome propio (ou en representación de ..., como acredita por ...), informado da convocatoria de concurso polo procedemento aberto, anunciado no Diario Oficial de Galicia núm ..., de data ... toma parte no mesmo comprometéndose a realiza-la obra de urbanización polígono industrial Mirallos, no prezo de ... (en letra e número), comprendendo esta oferta o prezo da contrata e o importe do imposto sobre o valor engadido, conforme o proxecto técnico e o prego de cláusulas administrativas que acepta integramente. Lugar, data e sinatura».

8. Apertura das ofertas: no salón de sesións do Concello de Moraña, ás 12 horas do quinto día seguinte hábil ó do remate de presentación de ofertas, excepto sábados.

9. Gastos de anuncios: por conta do adxudicatario.

10. Exposición do prego de cláusulas administrativas: durante o prazo de 8 días hábiles seguintes ó da publicación deste anuncio.

Moraña, 16 de xullo de 2002.

José A. Eiras Paz

Alcalde